ଭୁବନେଶ୍ବର : ୨୦୨୧ରେ ଜାତିଭିତିକ ଜନଗଣା ହେବ। ଶନିବାର ସନ୍ଧ୍ୟାରେ ଅନୁଷ୍ଠିତ ରାଜ୍ୟ କ୍ୟାବିନେଟ ବୈଠକରେ ଏହି ଗୁରୁତ୍ବ ପୂର୍ଣ୍ଣ ନିଷ୍ପତ୍ତି ନିଆଯାଇଛି।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କ ଅଧ୍ୟକ୍ଷତାରେ ରାଜ୍ୟ କ୍ୟାବିନେଟ ବୈଠକ ବସିଥିଲା। ଆଗାମୀ ୨୦୨୧ ଜନଗଣନାକୁ ଜାତିଭିତ୍ତିକ କରିବା ଲାଗି କ୍ୟାବିନେଟ୍ରେ ପ୍ରସ୍ତାବ ଦିଆଯାଇଥିଲା। ସାମାଜିକ ଏବଂ ଆର୍ଥିକ ଭାବେ ପଛୁଆ ରହିଥିବା ଶ୍ରେଣୀ(ଏସଇବିସି) ଲୋକମାନଙ୍କର ସ୍ବତନ୍ତ୍ର ଗଣନା କରିବାକୁ ପ୍ରସ୍ତାବରେ ଉଲ୍ଲେଖ କରାଯାଇଛି। ୨୦୨୧ ଜନଗଣନାରେ ଏଥିପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଉ ବୋଲି କ୍ୟାବିନେଟରେ ପ୍ରସ୍ତାବ ଦିଆଯାଇଛି। କ୍ୟାବିନେଟ ନିଷ୍ପତ୍ତି ଅନୁସାରେ, ସାଧାରଣ ଜନଗଣନା ଫର୍ମରେ ଏଥିପାଇଁ ବ୍ୟବସ୍ଥା ନ ଥିଲେ ସ୍ବତନ୍ତ୍ର ଭାବେ ବ୍ୟବସ୍ଥା କରାଯିବ। ଏସଇବିସିଙ୍କ ପ୍ରକୃତ ସଂଖ୍ୟା ସ୍ପଷ୍ଟ ନ ଥିବାରୁ ଏହି ସ୍ବତନ୍ତ୍ର ଗଣନା କରାଯିବ ବୋଲି ନିଷ୍ପତ୍ତି ହୋଇଛି।
- Advertisement -
