ଭୁବନେଶ୍ବର: ତୈଳ ଦର ବୃଦ୍ଧି ପରିପ୍ରେକ୍ଷିରେ ଶନିବାର ରାଜ୍ୟରେ ବସ ଭଡା ବୃଦ୍ଧି ପାଇଛି । ଅର୍ଡିନାରୀ ଓ ଏକ୍ସପ୍ରେସ ବସ ଭଡା କିମି ପିଛା ୨ ପଇସା ଲେଖାଏଁ ବୃଦ୍ଧି ପାଇଥିବା ବେଳେ ଡିଲକ୍ସ ଓ ଏସି ଡିଲକ୍ସ କିମି ପିଛା ୪ ପଇସାକୁ ବୃଦ୍ଧି ପାଇଛି । ପୂର୍ବରୁ ଅର୍ଡିନାରୀ ବସ ଭଡା କିମି ପିଛା ୭୦ ପଇସା ଥିବା ବେଳେ ୨ ପଇସା ବୃଦ୍ଧି ପାଇ ୭୨ ପଇସା ହୋଇଛି । ସେହିପରି ଏକ୍ସପ୍ରେସ ବସ ଭଡା କିମି ପିଛା ୭୩ ପଇସା ପୂର୍ବରୁ ଥିବା ବେଳେ ଆଜି ୭୫ ପଇସାକୁ ବୃଦ୍ଧି ପାଇଛି ।
ପୂର୍ବରୁ ଡିଲକ୍ସ ବସ ଭଡା କିମି ପିଛା ୧ଟଙ୍କା ୦୧ପଇସା ଥିବା ବେଳେ ଆଜି ୪ ପଇସା ବୃଦ୍ଧି ହୋଇ ୧ଟଙ୍କା ୦୫ପଇସା ହୋଇଛି । ସେହିପରି ପୂର୍ବରୁ ଏସି ଡିଲକ୍ସ ବସ କିମି ପିଛା ୧ଟଙ୍କା ୨୩ ପଇସା ଭଡା ଥିବା ବେଳେ ତାହା ୧ଟଙ୍କା ୨୭ପଇସା ବୃଦ୍ଧି ପାଇଛି ।
