ଶିମଲା: ହିମାଚଳ ପ୍ରଦେଶର ଶିର୍ମାଉର ଜିଲାର ସାନୋରା ନିକଟରେ ଏକ ପାହାଡି ରାସ୍ତାରେ ବସ୍ ଓଲଟି ପଡିବାରୁ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ୧୨ ଜଣ ଯାତ୍ରୀ ଗୁରୁତର ହୋଇଥିବା ସୂଚନା ମିଳିଛି । ଏକ ବେସରକାରୀ ବସ୍ ମାନଭାରୁ ସୋଲାନ୍ ଯାଉଥିବା ବେଳେ ଦୁର୍ଘଟଣାଗ୍ରସ୍ତ ହୋଇଥିଲା । ରାଜଘର ସହରଟାରୁ ୨୫ କିଲୋମିଟର ଦୂରରେ ଥିବା ନାଇନେତି ପଞ୍ଚାୟତରେ ଏହି ଘଟଣା ଘଟିଛି । ବସ୍ଟି ରାସ୍ତାରୁ ଖସିଯିବା ସହ ପାହାଡର ଢାଲୁ ଅଞ୍ଚଳରେ ଓଲଟି ପଡିଥିଲା ।
ଗୁରୁତରମାନଙ୍କୁ ସୋଲାନରେ ଥିବା ଆଞ୍ଚଳିକ ଡାକ୍ତରଖାନାରେ ଭର୍ତ୍ତି କରାଯାଇଛି ବୋଲି ଶିର୍ମାଉର ଡେପୁଟି କମିଶନର ଲଲିତ ଜୌନ ସୂଚନା ଦେଇଛନ୍ତି । ଅଧିକାଂଶ ମୃତକ ରାଜଘର ଅଞ୍ଚଳର ବୋଲି ଜଣାପଡିଛି । କେଉଁ କାରଣରୁ ଏହି ଦୂର୍ଘଟଣା ଘଟିଲା ତାହା ଜଣାପଡି ନାହିଁ । ସ୍ଥାନୀୟ ବାସିନ୍ଦା ଓ ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ କରାଯାଇଥିଲା ।