ବୁର୍ଲା: କିଛିଦିନ ଅନ୍ତରାଳେ ବୁର୍ଲା ସାଇଫୋନରେ ପୁଣି ଏକ ଅଘଟଣ ଘଟିଛି। ଏହି ବିପଦପୂର୍ଣ୍ଣ ସ୍ଥାନ ସାଇଫୋନରେ ଭାସିଯାଇ ଅନେକ ଅଘଟଣ ଘଟିଥିବା ସତ୍ତ୍ବେ ସଦାସର୍ବଦା ଏଠାକୁ ଯୁବପିଢ଼ିଙ୍କ ଆଗମନ ଉପରେ ରୋକ ଲାଗି ପାରୁନାହିଁ। ଗତ କିଛିଦିନ ତଳେ ଜଣେ ଯୁବତୀଙ୍କ ପାଣିରେ ଭାସିଯାଇ ଶୋଚନୀୟ ମୃତ୍ୟୁ ହୋଇଥିବା ବେଳେ ଗୁରୁବାର ପୁଣି ହୀରାକୁଦ ବିହାରିପଡ଼ାର ୨୧ ବର୍ଷିୟ ଯୁବକ ମହେଶ ସାହାଣୀ ଓରଫ ବିକାଶ ସାଇଫୋନ ପଟକୁ ବୁଲି ଆସିଥିବା ସମୟରେ ପାଣିରେ ଭାସିଯାଇ ନିଖୋଜ ହୋଇଯାଇଛନ୍ତି। ଆଜି ଅପରାହ୍ନ ୪ଟା୩୦ ମିନିଟ୍ ସମୟରେ ଏଭଳି ଏକ ଅଘଟଣ ଘଟିଥିବା ଜଣାପଡ଼ିଛି। ସାଇଫୋନ ତଳଭାଗରେ ଯୁବକ ଜଣକ ବସିଥିବା ସମୟରେ ଏହାର ସ୍ୱୟଂଚାଳିତ ଫାଟକ ଖୋଲିଯାଇ ପାଣି ଆସିଯିବା ଫଳରେ ଯୁବକ ଜଣକ ପାଣିରେ ଭାସି ଯାଇଥିଲେ। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚିଥିବା ବେଳେ ଅଗ୍ନିଶମ ବାହିନୀ ମଧ୍ୟ ସେଠାରେ ପହଞ୍ଚଥିଛନ୍ତି। ମାତ୍ର ଏପର୍ଯ୍ୟନ୍ତ ଭାସି ଯାଇଥିବା ଯୁବକ ମହେଶଙ୍କର କୌଣସି ଖୋଜଖବର ମିଳି ପାରିନଥିବା ପୁଲିସ ପକ୍ଷରୁ ସୂଚନା ମିଳିଛି।
Popular Categories
Previous article
Next article