ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକେ

ଵୁର୍ଲା  : ସମ୍ବଲପୁର ଜିଲା ବୁର୍ଲା ମିର୍ଧା ପଡା ନିକଟରେ ବିଲ ଭିତରେ ଥିବା ଗଛରୁ ଜଣେ ଯୁବକଙ୍କ ସନ୍ଦେହଜନକ ଓ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଥିବା ରବିବାର ଜଣାପଡ଼ିଛି। ଯୁବକ ଜଣଙ୍କ ହେଲେ ଅନିରୁଦ୍ଧ ପଞ୍ଚଵିହାର(୩୨)। ଚାରି ଘଣ୍ଟା ବିତି ଯାଇଥିଲେ ମଧ୍ୟ ପୁଲିସ ଘଟଣା ସ୍ଥଳରେ ନ ପହଂଚିବାରୁ ଉତ୍ୟକ୍ତ ଲୋକଙ୍କ ଦ୍ୱାରା ସମ୍ବଲପୁର ବିଶ୍ୱବିଦ୍ୟାଳୟ ମୁଖ୍ୟରାସ୍ତା ଅବରୋଧ କରାଯାଇଥିଲା।  ଏହାପରେ ପୁଲିସ ପହଞ୍ଚି ଵୁଝାସୁଝା କରିବା ପରେ ରାସ୍ତା ରୋକ ହଟିଥିଲା।

ସୂଚନା ଯୋଗ୍ୟ, ମିର୍ଧା ପଡାର ଜମି ମଧ୍ୟରୁ ଅନିରୁଦ୍ଧଙ୍କ ଝୁଲନ୍ତା ମୃତ ଦେହକୁ ଠାବ କରାଯାଇଥିଲା। ତେବେ ପରିବାରବର୍ଗ  ଅନିରୁଦ୍ଧକୁ ପୁର୍ଵ ଶତୃତାକୁ ନେଇ ସୁପରିକଳ୍ପିତ ହତ୍ୟା କରାଯାଇ ଥିବା ଅଭିଯୋଗ ଆଣିଥିଲେ। ସେପଟେ ଶଵକୁ ଘୋଷାଡି ଆଣିବା ଚିହ୍ନ ଦେଖିଵାକୁ ମିଳିଛି। ପୁଲିସ ଶଵକୁ ଜଵତ କରି ଘଟଣାର ତଦନ୍ତ ଆରମ୍ଭ କରିଛି।

Comments are closed.