ନୂଆଦିଲ୍ଲୀ : ଅନେକ ସମୟରେ ସୋସିଆଲ ମିଡିଆରେ ଭାଇରାଲ୍ ହେଉଥିବା ଭିଡିଓ ଦେଖି ଛାତି ଥରି ଉଠେ। ନିକଟରେ ସେଭଳି ହିଁ ଏକ ଭିଡିଓ ବେଶ ଭାଇରାଲ୍ ହେଉଛି। ଭିଡିଓରେ ଦେଖାଯାଉଛି, ଷଣ୍ଢ ହଠାତ୍ ଏକ ମୋବାଇଲ ଦୋକାନ ଭିତରକୁ ପଶି ଆସୁଛି। ଏହାଦ୍ୱାରା ଦୋକାନୀଙ୍କ ଖୁବ୍ କ୍ଷତି ମଧ୍ୟ ହୋଇଛି। ଏହି ଆଶ୍ଚର୍ଯ୍ୟ କରି ଦେବା ଭଳି ଭିଡିଓ ସୋସିଆଲ ମିଡିଆ ବ୍ୟବହାର କରୁଥିବା ଅନେକ ଉପଭୋକ୍ତାଙ୍କୁ ଆକର୍ଷିତ କରୁଛି।
Question: “What is your wildest dream?”
Answer: pic.twitter.com/3t0YW5XZ3f
— Chirag Barjatya (@chiragbarjatyaa) April 23, 2024
କ’ଣ କହେ ହସ୍ତରେଖା? ଜାଣନ୍ତୁ, ଆପଣଙ୍କ ହେବ ପ୍ରେମ ନା ପ୍ରସ୍ତାବିତ ବିବାହ, କେମିତି କଟିବ ବୈବାହିକ ଜୀବନ..
ଦୋକାନର ସିସିଟିଭିରେ କଏଦ ହୋଇଥିବା ଏହି ଦୃଶ୍ୟ ଅନୁଯାୟୀ ଷଣ୍ଢଟି ଦୋକାନ ଭିତରକୁ ହଠାତ୍ ଆସି ଏକ ଉଚ୍ଚତା ବିଶିଷ୍ଟ କାଠ କାନ୍ଥକୁ ଡେଇଁ ଭିତରକୁ ପଶି ଆସୁଛି। ପ୍ରଥମେ ଷଣ୍ଢଟି ଆସିବା ମାତ୍ରେ ଜଣେ ବ୍ୟକ୍ତି ସେଠାରୁ ପଳାଉଛନ୍ତି। ମାତ୍ର ଷଣ୍ଢ କାଠ କାନ୍ଥ ଡେଇଁ ଭିତରକୁ ଯିବା ମାତ୍ରେ ଭିତରେ ଥିବା ଦୁଇ ଜଣ କର୍ମଚାରୀ ବାହାରକୁ ବାହାରି ପାରୁ ନାହାଁନ୍ତି। ସେଠାରେ ସୀମିତ ସ୍ଥାନ ଥିବାରୁ ସେମାନେ ବାହାରିବା ସମ୍ଭବ ହେଉ ନାହିଁ। ଷଣ୍ଢ ସେମାନଙ୍କ ରାସ୍ତା ଅଟକାଉଥିବା ଦେଖାଯାଉଛି। ମାତ୍ର ଷଣ୍ଢ ସେଠାରେ ଶାନ୍ତ ଓ ସ୍ଥିର ହୋଇ ଠିଆ ହେଉଛି।
ନିକଟରେ ଥିବା ଲୋକେ ସେଠାରେ ଫସିଥିବା କର୍ମଚାରୀ ଓ ଷଣ୍ଢକୁ ବାହାର କରିବାରେ ପ୍ରୟାସ କରୁଛନ୍ତି। ପରେ ସଭିଁଙ୍କୁ ଉଦ୍ଧାର କରାଯାଇଥିଲା। ଭିଡିଓକୁ ଦେଖି ଲୋକେ ନିଜର ଭିନ୍ନ ଭିନ୍ନ ମତ ଦେଉଛନ୍ତି।
