ନୂଆଦିଲ୍ଲୀ: ବୁଧବାର ଠାରୁ ଆରମ୍ଭ ହୋଇଛି ସଂସଦର ବଜେଟ ଅଧିବେଶନ । ପ୍ରଥମ ଦିନରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ସଂସଦର ଉଭୟ ଗୃହକୁ ସମ୍ବୋଧନ କରିଛନ୍ତି । ଅଧିବେଶନରେ କେନ୍ଦ୍ର ସରକାରଙ୍କ ଅନେକ ଯୋଜନାର ସଫଳତା ଓ ଗାରିମା ବଖାଣିଥିଲେ ରାଷ୍ଟ୍ରପତି । ତେବେ ସେ ଏହି ଅବସରରେ ଉତ୍କଳମଣି ଗୋପବନ୍ଧୁ ଦାସଙ୍କ ପଂକ୍ତିକୁ ଓଡ଼ିଆରେ କହିବା ସହ ବୁଝାଇଥିଲେ । ଗୋପବନ୍ଧୁଙ୍କ ପଂକ୍ତି ‘‘ମିଶୁ ମୋର ଦେହ ଏ ଦେଶ ମାଟିରେ, ଦେଶବାସୀ ଚାଲି ଯାଆନ୍ତୁ ପିଠିରେ, ଦେଶର ସ୍ୱରାଜ୍ୟ ପଥେ ଯେତେ ଗାଡ଼, ପୁରୁ ତହିଁ ପଡି ମୋର ମାଂସ ହାଡ଼’’ କହିବା ପରେ ପରେ ହିନ୍ଦୀରେ ଅନୁବାଦ କରି ବୁଝାଇଥିଲେ ରାଷ୍ଟ୍ରପତି । ରାଷ୍ଟ୍ରପତିଙ୍କ ଏହି ଅଭିଭାଷଣରେ ଗୃହରେ ଉପସ୍ଥିତ ସମସ୍ତ ସଦସ୍ୟ ମଧ୍ୟ ସମର୍ଥନ ଜଣାଇ ଉତ୍ସାହିତ କରିଥିଲେ । ଜାନୁଆରୀ ୩୧ଠାରୁ ଆରମ୍ଭ ହୋଇଥିବା ଅଧିବେଶନ ଫେବ୍ରୁଆରୀ ୯ତାରିଖ ପର୍ଯ୍ୟନ୍ତ ଚାଲିବ ।
Comments are closed.