ଭୁବନେଶ୍ୱର – ଗତ ଦୁଇ ଦିନ ହେବ ରାଜଧାନୀ ଭୁବନେଶ୍ୱରରେ ବିଏସ୍ଏନ୍ଏଲ୍ର ମୋବାଇଲ୍ ଏବଂ ଇଣ୍ଟରନେଟ୍ ସେବା ପ୍ରଭାବିତ ହୋଇଛି । ରାଜଧାନୀର କିଛି ଅଞ୍ଚଳରେ ମୋବାଇଲ୍ ନେଟଓ୍ୱର୍କ କାମ କରୁ ନଥିବା ବେଳେ ଇଣ୍ଟରନେଟ୍ ବ୍ୟବହାରକାରୀମାନେ ଏହାକୁ ବ୍ୟବହାର କରିପାରୁ ନାହାନ୍ତି । ବିଏସ୍ଏନ୍ଏଲ୍ର ଫିକ୍ସଡ୍ କମ୍ୟୁନିକେସନ, ଡାଏଲ୍ ଅପ୍ ଏବଂ ବ୍ରଡ୍ ବ୍ୟାଣ୍ଡ ଇଣ୍ଟରନେଟ୍ , ଫୋନ୍ ସେବା ମୋବାଇଲ୍ ଏବଂ ମୋବାଇଲ୍ ଇଣ୍ଟରନେଟ୍ ଏହା ଆଇପି ଟିଭି ସେବା ପ୍ରଭାବିତ ହୋଇଛି ।
ଭୁବନେଶ୍ୱର ତଥା ଏହାର ଆଖପାଖ ଅଞ୍ଚଳରେ ଏହି ସମସ୍ୟା ଦେଖା ଦେଇଛି । ବିଏସ୍ଏନ୍ଏଲ୍ର ବରିଷ୍ଠ ଅଧିକାରୀଙ୍କ ସୂଚନା ଅନୁସାରେ ବିଏସ୍ଏନ୍ଏଲ୍ର ମୁଖ୍ୟ କାର୍ଯ୍ୟାଳୟରେ ପାଓ୍ୱାର ସମସ୍ୟା ଯୋଗୁଁ ଏପରି ହୋଇଛି । ଗତ କାଲି ଇଣ୍ଟରନେଟ୍ ସେବା ପ୍ରଭାବିତ ହୋଇଥିବା ବେଳେ ମଙ୍ଗଳବାରରେ ମୋବାଇଲ୍ ସେବା ପ୍ରଭାବିତ ହୋଇଥିଲ । ଏହାକୁ ଠିକ୍ କରାଯାଇଛି । ତେବେ କେତକ ଅଞ୍ଚଳରେ ସମସ୍ୟା ଦେଖା ଯାଉଥିଲେ ଅଭିଯୋଗ ମିଳିବା ମାତ୍ରେ ଏହାକୁ ଠିକ୍ କରାଯାଉଥିବା ସେ କହିଛନ୍ତି ।
ବିଏସ୍ଏନ୍ଏଲ୍ର ସେବା ପ୍ରଭାବିତ ହେବାରୁ ମୋବାଇଲ୍ ବ୍ୟବହାରକାରୀଙ୍କ ସହ ବିଭିନ୍ନ ବ୍ୟବସାୟ ପ୍ରତିଷ୍ଠାନ, ଶିକ୍ଷାନୁଷ୍ଠାନ ଏବଂ ଛାତ୍ରଛାତ୍ରୀ ପ୍ରଭାବିତ ହୋଇଛନ୍ତି ।
Comments are closed.