ସମାଜ ଡିଜିଟାଲ ଡେସ୍କ: ଅହମ୍ମଦାବାଦ ଏୟାରଇଣ୍ଡିଆ ବିମାନ ଦୁର୍ଘଟଣାକୁ ‘ବିଧ୍ବଂସକାରୀ’ କହି ଗଭୀର ଦୁଃଖ ପ୍ରକାଶ କରିଛନ୍ତି ବ୍ରିଟେନ ପ୍ରଧାନମନ୍ତ୍ରୀ କେଇର ଷ୍ଟାର୍ମର। ବିମାନ ଦୁର୍ଘଟଣା ଖବର ପାଇ ସେ ଏକ ବିବୃତି ଜାରି କରି ଦୁଃଖ ପ୍ରକାଶ କରିଛନ୍ତି। ଏହି ବିମାନରେ ଥିବା ୨୪୨ ଯାତ୍ରୀଙ୍କ ମଧ୍ୟରୁ ୫୨ ଜଣ ବିଟ୍ରିଶ ନାଗରିକ ଥିଲେ।
ଷ୍ଟାର୍ମର ଏକ୍ସ’ରେ ଏକ ପୋଷ୍ଟ କରି କହିଛନ୍ତି, ବିମାନ ଦୁର୍ଘଟଣାର ଯେଉଁ ଦୃଶ୍ୟ ଦେଖିବାକୁ ମିଳିଛି ତାହା ଅତି ବିଧ୍ବଂସକାରୀ। ପରିସ୍ଥିତି ଉପରେ ସେ ନଜର ରଖିଛନ୍ତି। ବିମାନରେ ଥିବା ଯାତ୍ରୀ ଏବଂ ସେମାନଙ୍କ ପରିବାର ପ୍ରତି ତାଙ୍କର ସମବେଦନା ରହିଛି ବୋଲି କହିଛନ୍ତି। ବିମାନରେ ୧୬୯ ଭାରତୀୟ ରହିଥିବାବେଳେ ୫୨ ବ୍ରିଟିଶ ନାଗରିକ, ଜଣେ କାନାଡ଼ା ନାଗରିକ ଏବଂ ୭ ପର୍ତ୍ତୁଗିଜ ନାଗରିକ ରହିଥିଲେ।
