ଶିବପୁରୀ: ଗତ କିଛିଦିନ ମଧ୍ୟରେ ଦେଶର ଅନେକ ସ୍ଥାନରେ ପୋଲ ଭୁଶୁଡିବାର ଖବର ଦେଖିବାକୁ ବା ଶୁଣିବାକୁ ମିଳିଛି । ମଧ୍ୟପ୍ରଦେଶର ଶିବାପୁରୀ ଜିଲାରେ କିଛି ପୂବରୁ କେନ୍ଦ୍ରୀୟ ମନ୍ତ୍ରୀଙ୍କ ଦ୍ବାରା ଉଦଘାଟିତ ହୋଇଥିବା କୁନୋ ନଦୀର ପୋଲ ମଙ୍ଗଳବାର ବର୍ଷାରେ ଭୁଶୁଡି ପଡିଥିବା ସୂଚନା ମିଳିଛି। ଏଥିରେ କେହି ମୃତାହତ ହୋଇଥିବା ଜଣାପଡି ନାହିଁ ।
ସୂଚନାଯୋଗ୍ୟ, ଏହି ପୋଲ ନିର୍ମାଣରେ ୭ କୋଟି ଟଙ୍କାରୁ ଅଧିକ ଅର୍ଥ ଖର୍ଚ୍ଚ ହୋଇଥିଲା। ପ୍ରାୟ ୩ ମାସ ପୂର୍ବରୁ ମେ ୨୯ରେ କେନ୍ଦ୍ରୀୟ ମନ୍ତ୍ରୀ ନରେନ୍ଦ୍ର ସିଂହ ତୋମର ଏହି ପୋଲକୁ ଲୋକର୍ପଣ କରିଥିଲେ । ଲୋକର୍ପଣର ମାତ୍ର ଦିନ କେଇଟା ପରେ ପ୍ରଥମ ବର୍ଷାରେ ପୋଲଟି ଭୁଶୁଡି ପଡିଛି। ପୋଲ ନିର୍ମାଣରେ ଦୁର୍ନୀତି ହୋଇଥିବା ନେଇ ବିରୋଧୀ ଦଳ ଅଭିଯୋଗ କରିଛି । ନିର୍ବାଚନ ପୂର୍ବରୁ ଏହି ଦୁର୍ଘଟଣା ଘଟିଥିବା ବେଳେ ଏହାକୁ ନେଇ ମଧ୍ୟପ୍ରଦେଶରେ ରାଜ୍ୟ ରାଜନୀତି ଜୋର ଧରିଛି ।
- Advertisement -
