ଆଲପୁଝା – କେରଳର ଗୋଟିଏ ବାଳକର ମସ୍ତିଷ୍କକୁ ବ୍ରେନ୍ ଇଟିଂ ଆମିବା ଖାଇଯାଇଛନ୍ତି। କେରଳ ଆଲପୁଝା ଜିଲ୍ଲାର ଗୋଟିଏ ଦଶମ ଶ୍ରେଣୀର ଛାତ୍ରର ମସ୍ତିଷ୍କ ବା ବ୍ରେନକୁ ନାଇଗ୍ଲେରିଆ ଫାଓଲେରୀ ନାମକ ଆମିବା ଖାଇ ନଷ୍ଟ କରି ଦେଇଛନ୍ତି । ଏହି ବାଳକ ଅବସ୍ଥା ଗୁରୁତର ହେବାରୁ ତାକୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ସେଠାରେ ତାହାର ମୃତ୍ୟୁ ହୋଇଛି ।
ମୃତ ବାଳକଙ୍କ ନାମ ଗୁରୁଦାଥ । ସେ ତାଙ୍କ ଘର ପାଖରେ ଥିବା ଏକ କେନାଲରେ ଗାଧାଉଥିବା ବେଳେ ନାକ ମାଧ୍ୟମ ଦେଇ ମୁଣ୍ଡକୁ ଯାଇଥିବା କଥା ଡାକ୍ତର କହିଛନ୍ତି । ନଳକୂପ କିମ୍ବା ପିଏଚ୍ଡିର ପିଇବା ପାଣିରେ ଏହି ବ୍ୟାକ୍ଟେରିଆ ହୋଇ ନଥାନ୍ତି । ପିଇବା ପାଣି ଦ୍ୱାରା ସଂକ୍ରମିତ ହୋଇ ନଥାଏ । ହ୍ରଦ, ପୋଖରୀ, ନଦୀ ନାଳରେ ଗାଧେଇବା ବେଳେ ଏମାନେ ନାକ ବାଟେ ପ୍ରବେଶ କରିଥାଆନ୍ତି । ମସ୍ତିଷ୍କକୁ ଖାଇବା ସହ ସଂକ୍ରମିତ କରିଥାଆନ୍ତି । ଏହାକୁ ପ୍ରାଇମେରୀ ଆମେବିକ୍ ମେନିଙ୍ଗୋଏନସେଫାଲାଇଟିସ୍ ବା ପାମ୍ କୁହାଯାଇଥାଏ । ପାମ୍ ହେଲେ ମୃତ୍ୟୁ ଅବଶ୍ୟାମ୍ଭାବୀ ।
ଏହା ଗୁରୁତର ହେବାର ୫ ଦିନ ଆଗରୁ ଲକ୍ଷଣ ପ୍ରକାଶ ପାଇଥାଏ । ମୁଣ୍ଡ ବିନ୍ଧା ସହ ଜର ବାନ୍ତି ବେକ ଦରଜ ହୋଇଥାଏ । ଏହା ହେବାର ୫ ଦିନ ମଧ୍ୟରେ ସଂକ୍ରମିତଙ୍କର ମୃତ୍ୟୁ ହୋଇଥାଏ ।
