ଦେବଗଡ଼:୭୪ ତମ ବନ ମହୋତ୍ସବ ସପ୍ତାହ ଅବସରରେ ଦେବଗଡ ଜିଲା ଆଇନ ସେବା ପ୍ରାଧିକରଣ ପକ୍ଷରୁ ସ୍ଥାନୀୟ ଟାଉନ ହାଇସ୍କୁଲ ଓ ଜିଲା ଅଦାଲତ ପରିସରରେ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଜିଲା ଏବଂ ଦୌରାଜଜ ତଥା ଜିଲା ଆଇନ ସେବା ପ୍ରାଧିକରଣର ସଭାପତି ଗୌତମ ଶର୍ମା, ଫ୍ୟାମିଲୀ କୋର୍ଟ ଜଜ୍ ଶ୍ରୀନିବାସ ପ୍ରତିହାରୀ,ଜିଲା ମୁଖ୍ୟ ବିଚାର ବିଭାଗୀୟ ମାଜିଷ୍ଟ୍ରେଟ ସର୍ବେଶ୍ୱର ଦାସ, ସିଭିଲ କୋର୍ଟ ରେଜିଷ୍ଟ୍ରାର ସୁଧୀର କୁମାର ମିଶ୍ର, ସିନିୟର ସିଭିଲ ଜଜ୍ ସ୍ୱୟଂ ପ୍ରକାଶ ଦାସ, ଜିଲା ଆଇନ ସେବା ପ୍ରାଧିକରଣର ସମ୍ପାଦିକା ଅପୁର୍ବା ଚୌଧୁରୀ, ଏସଡିଜେଏମ୍ ଲିଙ୍କି ପିୟା ସାହୁ ଓ ଜେଏମ୍ଏଫସି କୃଷ୍ଣ ସୁବୁଦ୍ଧି ଯୋଗଦେଇ ବିଦ୍ୟାଳୟ ପରିସରରେ ବିଭିନ୍ନ କିସମର ମୂଲ୍ୟବାନ ଚାରା ରୋପଣ କରିଥିଲେ।
ଏହି କାର୍ଯ୍ୟକ୍ରମରେ ଅତିରିକ୍ତ ବନ ସଂରକ୍ଷିକା ସୁଧାଶ୍ରୀ ପ୍ରଧାନ,ଜିଲା ଓକିଲ ସଂଘର ସଭାପତି ଆଶୁତୋଷ ଶର୍ମା, ସମ୍ପାଦକ ଟିକେଶ୍ୱର ଧଳ, ପୂର୍ବତନ ସଭାପତି ଦିଲ୍ଲିପ କୁମାର ଗୁରୁ, ପ୍ରମଥେଶ ଗୁରୁ, ଶ୍ରୀବତ୍ସ ମିଶ୍ର, ପ୍ରିୟବ୍ରତ ନନ୍ଦ, କ୍ଷେତ୍ରବାସୀ ମେହେର ଓ ଟାଉନ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ପଦ୍ମାଲୀ ଲାକ୍ରାଙ୍କ ସମେତ ବିଦ୍ୟାଳୟର ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ, ପାରାଲିଗାଲ ସ୍ୱେଚ୍ଛାସେବୀ ଓ ବନ କର୍ମଚାରୀ ମାନେ ମଧ୍ୟ ଅଂଶଗ୍ରହଣ କରି ଚାରା ରୋପଣ କରିଥିଲେ। ଅନୁରୂପ ଭାବେ ଜିଲା ଅଦାଲତ ପରିସରରେ ମଧ୍ୟ ଚାରା ରୋପଣ କରାଯାଇଥିଲା। ଏହି କାର୍ଯ୍ୟକ୍ରମରେ ସମସ୍ତ ବିଚାର ବିଭାଗୀୟ ଅଧିକାରୀ, ଆଇନଜୀବୀ ଓ ପାରା ଲିଗାଲ ସ୍ୱେଚ୍ଛାସେବୀ ମାନେ ଅଂଶଗ୍ରହଣ କରି ଚାରା ରୋପଣ କରିଥିଲେ। କାର୍ଯ୍ୟକ୍ରମ ଆୟୋଜନରେ ଦେବଗଡ ବନାଂଚଳ ଅଧିକାରୀ ଦେବଦତ ନନ୍ଦ ଓ ଦେବଗଡ ଫରେଷ୍ଟର ଭୀମସେନ ଶତପଥି ପ୍ରମୁଖ ସକ୍ରୀୟ ସହଯୋଗ କରିଥିଲେ।
