ମୁମ୍ବଇ : ଅମିତାଭ ବଚ୍ଚନ, ରଣବୀର କପୁର ଓ ଆଲିୟା ଭଟ୍ଟଙ୍କ ଅଭିନୀତ ଚଳଚ୍ଚିତ୍ର ‘ବ୍ରହ୍ମାସ୍ତ୍ର’ର ପ୍ରଥମ ଟିଜର ବୁଧବାର ରିଲିଜ୍ ହୋଇଛି। ପୂର୍ବରୁ ମହାଶିବରାତ୍ରି ଅବସରରେ ପ୍ରୟାଗରାଜ କୁମ୍ଭରେ ବିଶେଷ ଭାବେ ଚଳଚ୍ଚିତ୍ରର ଲୋଗୋ ଜାରି କରାଯାଇଥିଲା। ଏହି ଚଳଚ୍ଚିତ୍ର ନିର୍ଦ୍ଦେଶକ ଅୟାନ ମୁଖାର୍ଜୀଙ୍କ ଡ୍ରିମ୍ ପ୍ରୋଜେକ୍ଟ ଓ ଯାହାର ପ୍ରସ୍ତୁତି ଜୋର୍ରେ ଚାଲିଛି।
ଏହା ପୌରାଣିକ ଗାଥା ସହ ଜଡ଼ିତ ଏକ ଅଲୌକିକ କାହାଣୀ। ଟିଜରରେ ରଣବୀର କପୁରଙ୍କ ସ୍ୱର ପ୍ରଥମେ ଶୁଣିବାକୁ ମିଳିଛି। ସୂଚନା ଅନୁସାରେ, ଚଳଚ୍ଚିତ୍ର ୩ଟି ଭାଗରେ ମୁକ୍ତିଲାଭ କରିବ। ଚଳଚ୍ଚିତ୍ରରେ ତେଲୁଗୁ ଅଭିନେତା ନାଗାର୍ଜୁନ ଓ ମୌନୀ ରୟ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ଏହା ଚଳିତ ବର୍ଷ ଖ୍ରୀଷ୍ଟମାସ ଅବସରରେ ଅର୍ଥାତ୍ ୨୫ ଡ଼ିସେମ୍ବରରେ ମୁକ୍ତିଲାଭ କରିବ।