ବୌଦ୍ଧ: ବୌଦ୍ଧ ବ୍ଲକ ଅନ୍ତର୍ଗତ ପାଲଝରଠାରେ କୃଷି ବିଜ୍ଞାନ କେନ୍ଦ୍ର ଦ୍ୱାରା ଭାରତୀୟ କୃଷି ଗବେଷଣା ପ୍ରତିଷ୍ଠାନର ୯୪ ତମ ପ୍ରତିଷ୍ଠା ଦିବସ ପାଳନ କରାଯାଇଛି । ଏହି କାର୍ଯ୍ୟକ୍ରମରେ ପାଲଝର ଓ ନିକଟବର୍ତ୍ତି ବିଭିନ୍ନ ଗ୍ରାମରୁ ୨୦୦ରୁ ଊର୍ଦ୍ଧ୍ଵ ଚାଷୀ ଭାଇ ଭଉଣୀ ସାମିଲ ହୋଇଥିଲେ । କାର୍ଯ୍ୟକ୍ରମ ପ୍ରାରମ୍ଭରେ ଦେଶର କୃଷିମନ୍ତ୍ରୀ ନରେନ୍ଦ୍ର ସିଂହ ତୋମାରଙ୍କ ଅଭିଭାଷଣକୁ ଟେଲିଭିଜନ ମାଧ୍ୟମରେ ସମସ୍ତ ଚାଷୀ ଭାଇଭଉଣୀମାନେ ଶୁଣିଥିଲେ । ଏହି କାର୍ଯ୍ୟକ୍ରମରେ ଦେଶର ୭୫୦୦୦ ଚାଷୀଙ୍କ ଦ୍ୱିଗୁଣିତ ଆୟର ସଫଳ କାହାଣୀର ଏକ ସଙ୍କଳନ ପ୍ରକାଶ କରାଯାଇଥିଲା । କାର୍ଯ୍ୟକ୍ରମକୁ କୃଷି ବିଜ୍ଞାନ କେନ୍ଦ୍ରର ବରିଷ୍ଠ ବୈଜ୍ଞାନିକ ତପନ କୁମାର ଦାସ ପରିଚାଳନା କରିଥିଲେ । ଏଥିରେ ବଘିଆପଡା ସରପଞ୍ଚ ଅନୁଜା ଦୀପ ଅତିଥି ଭାବରେ ସାମିଲ ହୋଇଥିଲେ । କାର୍ଯ୍ୟକ୍ରମ ପରିଚାଳନାରେ କୃଷି ବିଜ୍ଞାନ କେନ୍ଦ୍ରର ସମସ୍ତ କର୍ମଚାରୀ ସହଯୋଗ କରିଥିଲେ ।
Comments are closed.