ବୌଦ୍ଧ : ବୌଦ୍ଧ ଜିଲା ଇପିଏଫ ପେନଶନ ସଂଘ ପକ୍ଷରୁ ଜିଲାପାଳଙ୍କ ଜରିଆରେ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି। ଦାବିପତ୍ର ଅନୁଯାୟୀ ସର୍ବନିମ୍ନ ମାସିକ ପେନଶନ ୯ ହଜାର ଟଙ୍କା ସହ ମହଙ୍ଗା ଭତ୍ତା ପ୍ରଦାନ,ସୁପ୍ରିମ କୋର୍ଟଙ୍କ ନିର୍ଦ୍ଦେଶ ଆଧାରରେ ବର୍ଦ୍ଧିତ ପେନଶନ ଶୀଘ୍ର ଲାଗୁ କରିବା,ଦରଦାମ ବୃଦ୍ଧିର ଭରଣ ଲାଗି ମହଙ୍ଗା ଭତା ଲାଗୁ କରିବା,ସମସ୍ତ ଇପିଏଫ ପେନଶନ ଭୋଗୀ ବରିଷ୍ଠ ନାଗରିକମାନଙ୍କୁ ସ୍ୱାସ୍ଥ୍ୟବୀମାରେ ସାମିଲ କରି ମାଗଣା ସ୍ୱାସ୍ଥ୍ୟ ଚିକିତ୍ସା ପ୍ରଦାନ କରିବା, ସାମାଜିକ ସୁରକ୍ଷା ପ୍ରଦାନ କରିବା।
ଇପିଏଫ ୧୯୯୫ ଯୋଜନା କାର୍ଯ୍ୟକାରୀ ହେବାର ୨୮ବର୍ଷ ଶେଷ ହେବାକୁ ଯାଉଥିବାବେଳେ ଏହା ପୂରଣ ନ ହୋଇଥିବା ସଂଘ ପକ୍ଷରୁ ଅଭିଯୋଗ କରାଯାଇଛି। ଅତିରିକ୍ତ ଜିଲାପାଳ ଦାରିଦ୍ର୍ୟଭଞ୍ଜନ ମଦନ ମୋହନ ପାତ୍ର ଇପିଏଫ ପେନଶନଧାରୀଙ୍କ ସହ ଆଲୋଚନା କରିବା ସହିତ ଏହି ଦାବିପତ୍ରକୁ ଗ୍ରହଣ କରିଥିଲେ। କାର୍ଯ୍ୟକ୍ରମରେ ଜିଲା ସଭାପତି ତ୍ରିପୁରାରୀ ବେହେରା, ସଂପାଦକ ଦିଲ୍ଲିପ ପ୍ରଧାନ, କେଶବାନନ୍ଦ ସାହୁ, ପ୍ରଦୋଷ ମିଶ୍ର, ସୁରେନ୍ଦ୍ର ସାହୁ, ଗୋଲାପ ସାହୁ ଓ ଉମେଶ ଗାଇଗୌରିଆ ପ୍ରମୁଖ ଉପସ୍ଥିତ ଥିଲେ।
Comments are closed.