ବାଉଁଶୁଣି : ବୌଦ୍ଧ ବ୍ଳକ ଅଁଳାପାଲି ଗ୍ରାମପଞ୍ଚାୟତ ଅନ୍ତର୍ଗତ ଅଁଳାପାଲି ଉଚ୍ଚ ପ୍ରାଥମିକ ବିଦ୍ୟାଳୟରେ ପାଣିର ସମସ୍ୟା ହେଉଥିବା ଅଭିଯୋଗ ହେଉଛି। ବିଦ୍ୟାଳୟ ପରିସରରେ ଥିବା ବୋରୱେଲରେ ପାଣି ବାହାରୁ ନଥିବାରୁ ଛାତ୍ରଛାତ୍ରୀମାନେ ମଧ୍ୟାହ୍ନ ଭୋଜନ ପରେ ଥାଳି ଧୋଇବା ପାଇଁ ବାହାର ନଳକୂପ ଉପରେ ନିର୍ଭର କରୁଥିବା ବିଦ୍ୟାଳୟ ପରିଚାଳନା କମିଟି ସଭାପତି ବୁଦ୍ଧଦେବ ମେହେର ଓ ଗ୍ରାମବାସୀ ରୋଶନ୍ ମେହେର ଅଭିଯୋଗ କରିଛନ୍ତି।
ସେହିଭଳି ପାଣି ଅଭାବରୁ ଛାତ୍ରଛାତ୍ରୀମାନେ ପାଇଖାନାକୁ ନଯାଇ ବାହାରକୁ ଯାଉଥିବା ଅଭିଯୋଗ ହୋଇଛି। ତେବେ ଏ ସମ୍ପର୍କରେ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀଙ୍କୁ ପଚାରିବାରୁ ଏହି ଅଭିଯୋଗକୁ ଖଣ୍ଡନ କରିବା ସହ ଏଇ ଦୁଇ ଚାରିଦିନ ହେବ ପାଣି ମଟର ଖରାପ ଥିବାରୁ ଏ ସମସ୍ୟା ରହିଛି ଏବଂ ଆମେ ମେକାନିକକୁ ସଜାଡ଼ିବା ପାଇଁ କହିଛୁ ବୋଲି କହିଛନ୍ତି। ଯେହେତୁ ବିଦ୍ୟାଳୟ ପରିସରରୁ ବାହାରକୁ ଆସିଲେ ୫୭ ନମ୍ୱର ଜାତୀୟ ରାଜପଥ ଥିବାରୁ କେତେବେଳେ ମଧ୍ୟ ଅଘଟଣ ଘଟିବାର ଆଶଙ୍କା ରହିଛି। ତେଣୁ ତୁରନ୍ତ ବୌଦ୍ଧ ଜିଲ୍ଲା ପ୍ରଶାସନ ଏହି ବିଦ୍ୟାଳୟର ପାଣି ସମସ୍ୟାର ସମାଧାନ କରିବା ପାଇଁ ଦାବି ହେଉଛି।
Comments are closed.