ବୌଦ୍ଧ : ବୌଦ୍ଧ ରେଞ୍ଜ ଅର୍ନ୍ତଗତ ହରଭଙ୍ଗା ବ୍ଳକ କୃଷ୍ଣମୋହନପୁର ଗ୍ରାମ ନିକଟସ୍ଥ ବଲାଟ ନାଳ ନିକଟରେ ବନବିଭାଗ ପକ୍ଷରୁ ଏକ କାର ଉପରେ ଚଢାଉ କରି ୩୦ ଖଣ୍ଡ ଶାଳ ଚଉକାଠ ଜବତ କରିବା ସହ ଦୁଇଜଣଙ୍କୁ ଗିରଫ କରାଯାଇଛି । ସୂଚନା ମୁତାବକ, ବୌଦ୍ଧ ବନବିଭାଗ ପକ୍ଷରୁ ଜଗନ୍ନାଥ ସଡକରେ ପାଟ୍ରୋଲିଂ ଚାଲିଥିବାବେଳେ ଏକ ମାରୁତି କାରରେ ବେଆଇନ କାଠ ଚାଲାଣ ହେଉଥିବା ବନବିଭାଗ ଖବର ପାଇ ଶନିବାର କୃଷ୍ଣମୋହନପୁର ବଲାଟ ନାଳ ନିକଟରେ ଉକ୍ତ ଗାଡିକୁ ଅଟଳାଇ ଯାଞ୍ଚ କରିଥିଲେ। କାର ମଧ୍ୟରୁ ୩୦ ଖଣ୍ଡ ଶାଳ ଚଉକାଠ ଜବତ କରାଯାଇଥିଲା । କାରରେ ଥିବା ବୌଦ୍ଧ ସହରର ସୁନିଲ ନାଏକ ଓ ଅନୁଗୋଳ ଜିଲା କିଆକଟା ଥାନା କାଦପଡା ଗ୍ରାମର ଶ୍ରୀରାମ ଭୁୟାଁଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଏହି ଚଢାଉରେ ଫରେଷ୍ଟର ସ୍ୱାଧିନ ସାମଲ, ଫରେଷ୍ଟଗାର୍ଡ ପ୍ରକାଶ ପ୍ରଧାନ, ସନ୍ତୋଷ ବାରିକ, ସବ୍ରତ ପ୍ରଧାନ, ସୁଶାନ୍ତ ସାହୁ ପ୍ରମୁଖ ସାମିଲ ଥିଲେ ।
Comments are closed.