ବୌଦ୍ଧ: ବୌଦ୍ଧରେ ରଥଯାତ୍ରା ମହା ସମାରୋହରେ ପାଳନ କରାଯାଉଥିବା ବେଳେ ଆଜି ସମସ୍ତ ଜଗନ୍ନାଥ ମନ୍ଦିରରେ ଦେବସ୍ନାନ ପୁର୍ଣ୍ଣମୀ ପାଳନ କରାଯାଇଛି। ବୌଦ୍ଧ ସହରର ଶ୍ରୀଜଗନ୍ନାଥ ମନ୍ଦିରରେ ବ୍ରାହ୍ମଣ ସମାଜ ତରଫରୁ ସେବକମାନେ ୧୦୮ କଳସୀରେ ମହାନଦୀରୁ ଏକ ଶୋଭାଯାତ୍ରାରେ ଜଳ ଆଣିଥିଲେ। ପହଣ୍ଡିଆ ସେବକମାନେ ମହାପ୍ରଭୁଙ୍କୁ ପହଣ୍ଡି ବିଜେକରି ସ୍ନାନମଣ୍ଡପକୁ ଆଣିବାପରେ ନିତିକାନ୍ତି ଅନୁସାରେ ପୁଜାଧ୍ୱଜା ଅନୁଷ୍ଠିତ ହୋଇଥିଲା। ପଣ୍ଡିତମାନଙ୍କ ଦ୍ୱାରା ବେଦପାଠ ଏବଂ ସଂକୀର୍ତନ ମଣ୍ଡଳିମାନଙ୍କ ଦ୍ୱାରା ଶ୍ରୀଜଗନ୍ନାଥ ଭଜନ ପରିବେଷଣ କରାଯାଇଥିଲା।
ଚତୁର୍ଦ୍ଧାମୂର୍ତିଙ୍କୁ ୧୦୮ କଳସୀ ମହାନଦୀ ଜଳରେ ସ୍ନାନ କରାଯାଇଥିଲା। ପୁଜକ ଭାବେ ବିଭୁଦତ ପଣ୍ଡା ଏବଂ କର୍ତାଭାବେ ଅଖିଳଚାନ୍ଦ ମହାପାତ୍ର ଦାୟିତ୍ୱ ନିର୍ବାହ କରିଥିଲେ। ସ୍ନାନପରେ ମହାପ୍ରଭୁଙ୍କ ଗଜାନନ ବେଶ ଅନୁଷ୍ଠିତ ହୋଇଥିଲା। ବ୍ରାହ୍ମଣ ସମାଜ ପକ୍ଷରୁ ସଭାପତି ଗୁରୁ ପ୍ରସାଦ ଦାଶ, ସଂପାଦକ ଦେବାଶିଷ ପୁରୋହିତ, ପଣ୍ଡିତ ସଂଗଠନ ତରଫରୁ ସଞ୍ଜୀବ କୁମାର ପଣ୍ଡା ଓ ମାନସ କୁମାର ମିଶ୍ର ସମସ୍ତ ନିତିକାନ୍ତି ପରିଚାଳନା କରିଥିଲେ।
Comments are closed.