mission shakti banner

ଗ୍ରୀନ ଗୋଲ ପକ୍ଷରୁ ସ୍ୱେଚ୍ଛାକୃତ ରକ୍ତଦାନ ଶିବିର

nua o banner

ବୌଦ୍ଧ: ବୌଦ୍ଧ ଜିଲାରେ ନୂତନ ଭାବେ ସ୍ୱେଚ୍ଛାସେବୀ ଅନୁଷ୍ଠାନ ଗ୍ରୀନଗୋଲ ଗଠନ କରାଯାଇ ସରକାରୀ ରେଜିଷ୍ଟ୍ରିଭୁକ୍ତ ହେବା ପରେ ପ୍ରଥମେ ବୌଦ୍ଧଜିଲା ମୁଖ୍ୟ ଚିକିତ୍ସାଳୟ ରକ୍ତଭଣ୍ଡାରଠାରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ଅଧ୍ୟକ୍ଷା ସୋନାଲି ପଣ୍ଡାଙ୍କ ନେତୃତ୍ୱରେ ଅନୁଷ୍ଠିତ ଶିବିରକୁ ଜିଲା ମୁଖ୍ୟ ଚିକିତ୍ସା ଅଧିକାରୀ ଡା.ଅଭୟ କୁମାର ଦାସ ଉଦ୍‍ଘାଟନ କରିଥିଲେ। ଏହି ଶିବିରରେ ଜିଲାର ବିଭିନ୍ନ ସ୍ଥାନରୁ ୨୭ଜଣ ରକ୍ତଦାତା ଯୋଗଦେଇ ସ୍ୱେଛାକୃତ ରକ୍ତଦାନ କରିଥିଲେ। କାର୍ଯ୍ୟକ୍ରମରେ ତହସିଲଦାର ଅବିନାଶ ପାଣ୍ଡିଆ, ଏ.ଡି.ଏମ୍‍.ଓ. କିଶୋର ଚନ୍ଦ୍ର ପଟ୍ଟନାୟକ, ବିଦ୍ୟୁତ ବିଭାଗ ନିର୍ବାହୀ ଯନ୍ତ୍ରୀ ଅଶୋକ କୁମାର ରାଉତ୍‍, ସହକାରୀ ଯନ୍ତ୍ରୀ ନରେଶ ଚନ୍ଦ୍ର ଆଚାର୍ଯ୍ୟ, ରକ୍ତଦାତା ପ୍ରବର୍ତକ ସଂଘର ସଂପାଦକ ଦେବାଶିଷ ପୁରୋହିତ, ୟୁଥ୍‍ ରେଡକ୍ରସ ଅଧିକାରୀ ପ୍ରବୀର କୁମାର ଦାସ, ଶ୍ରେଷ୍ଠ ରକ୍ତଦାତା ଜୟନାରାୟଣ ମହାନ୍ତି ପ୍ରମୁଖ ଯୋଗଦାନ କରିଥିଲେ।

ଏହି କାର୍ଯ୍ୟକ୍ରମକୁ ଅନୁଷ୍ଠାନର ସଦସ୍ୟ ବ୍ୟମୋକେଶ ମିଶ୍ର, ରମେଶ ମହାରାଣା, ମିନୁ ପାଳ, ପ୍ରଣତି ପଣ୍ଡା ପରିଚାଳନା କରିଥିଲେ। ରକ୍ତ ସଂଗ୍ରହ କାର୍ଯ୍ୟକ୍ରମରେ ଚର୍ତୁଭୁଜ ବାରିକ, ଦେବଦତ କିଷାନ, ଦିଲ୍ଲୀପ ପ୍ରଧାନ, ଋତୁମ୍ଭରା ସାହୁ ସହଯୋଗ କରିଥିଲେ। ଅନୁଷ୍ଠାନର ଅଧ୍ୟକ୍ଷା ଶ୍ରୀମତି ପଣ୍ଡା ଆସନ୍ତା ଦିନରେ ଜିଲାକୁ ସବୁଜ ସୁନ୍ଦର କରିବା ପାଇଁ ପଦକ୍ଷେପ ନେବା ସହିତ ବୌଦ୍ଧଜିଲାରେ ଗୋଶାଳା ମାଧ୍ୟମରେ ଗୋସୁରକ୍ଷା କରିବା ସହିତ ବେକାରୀମାନଙ୍କୁ ରୋଜଗାରକ୍ଷମ କରାଯିବ ବୋଲି ପ୍ରକାଶ କରିଛନ୍ତି।

Comments are closed.