ଡେସ୍କ: ସାମ୍ବାଦିକ ବୋରିଆ ମଜୁମଦାରଙ୍କୁ ବିସିସିଆଇ ୨ବର୍ଷ ପାଇଁ ବାସନ୍ଦ କରିଛି। ସେ ଭାରତୀୟ କ୍ରିକେଟ ଖେଳାଳି ତଥା ୱିକେଟ୍ କିପର ରିଦ୍ଧିମାନ ଶାହାଙ୍କୁ ଭୟ ପ୍ରଦର୍ଶନ କରିଥିବା ଜଣାପଡ଼ିଛି। ବିସିସିଆଇର ସର୍ବୋଚ୍ଚ ପରିଷଦ ଏହି ନିଷ୍ପତ୍ତି ନେଇଛି। ରିଦ୍ଧିମାନ ଶାହାଙ୍କ ଅଭିଯୋଗ ପରେ ଘଟଣା ଉପରେ ତଦନ୍ତ କରାଯାଇଥିଲା। ବୋର୍ଡ ଉପସଭାପତି ରାଜୀବ ଶୁକ୍ଳା, କୋଷାଧ୍ୟକ୍ଷ ଅରୁଣ ଧୁମାଲ, ସର୍ବୋଚ୍ଚ ପରିଷଦ ସଦସ୍ୟ ପ୍ରଭତେଜ ସିଂ ଭାଟିଆ ତଦନ୍ତକାରି ଗୋଷ୍ଠୀରେ ଥିଲେ। ବୋରିଆ ମଜୁମଦାରଙ୍କ ଉପରେ ଲାଗୁ ହୋଇଥିବା କଟକଣା ଅନୁସାରେ ଭାରତରେ କୌଣସି ମ୍ୟାଚ୍ ପାଇଁ ଖବର ଉପରେ ତାଙ୍କୁ ଶ୍ରେୟ ଦିଆଯିବ ନାହିଁ। ଏହାଛଡ଼ା ସେ କୌଣସି ଖେଳାଳିଙ୍କର ସାକ୍ଷାତକାର ନେଇପାରିବେ ନାହିଁ ଓ କ୍ରିକେଟ ବୋର୍ଡ କିମ୍ବା ଏହାର ଶାଖା ମଧ୍ୟକୁ ପ୍ରବେଶ ଅନୁମତି ପାଇବେ ନାହିଁ।
Popular Categories
Previous article
Next article