ବୋନି କପୁରଙ୍କ କମ୍ପାନୀ ବେଭ୍ୟୁ ଏବଂ ଭୁଟାନୀ ଗ୍ରୁପ୍ ନିର୍ମାଣ କରିବେ ନୋଏଡା ଅନ୍ତର୍ଜାତୀୟ ଫିଲ୍ମ ସିଟି

ନୂଆଦିଲ୍ଲୀ : ନୋଏଡା ଅନ୍ତର୍ଜାତୀୟ ଫିଲ୍ମ ସିଟି ପ୍ରକଳ୍ପ ଆଗକୁ ବଢିବାରେ ଲାଗିଛି । ଯମୁନା ପ୍ରାଧିକରଣ ଅଧିକାରୀଙ୍କ ସୂଚନା ଅନୁସାରେ ପ୍ରକଳ୍ପକୁ ଆଗକୁ ନେବା ପାଇଁ ୪ ବିଡ୍ସ ମିଳିଥିଲା । ତେବେ ପରୀକ୍ଷଣ ପରେ ନିର୍ଦ୍ଧାରିତ ହୋଇଛି କି ବୋନି କପୁରଙ୍କ କମ୍ପାନୀ ମେସର୍ସ ବେଭ୍ୟୁ ପ୍ରୋଜେକ୍ଟସ ଏଲଏଲପି ଏବଂ ଭୁଟାନୀ ଗ୍ରୁପ୍ ଯମୁନା କ୍ଷେତ୍ରର ଅନ୍ତର୍ଜାତୀୟ ଫିଲ୍ମ ସିଟି ନିର୍ମାଣ କରିବେ ।

ସବୁଠାରୁ ଅଧିକ ବୋଲି ଲଗାଇବା ପରେ ଏହି କମ୍ପାନୀମାନଙ୍କୁ ଫିଲ୍ମ ସିଟି ନିର୍ମାଣର ପ୍ରୋଜେକ୍ଟ ପ୍ରଦାନ କରାଯାଇଛି । କହିରଖୁଛୁ ଯମୁନା ପ୍ରାଧିକରଣ କ୍ଷେତ୍ରର ସେକ୍ଟର ୨୧ରେ ପ୍ରଥମ ପର୍ଯ୍ୟାୟରେ ୨୩୦ ଏକରରେ ସ୍ଥାପିତ କରାଯାଉଛି ଏବଂ ଅନ୍ତର୍ଜାତୀୟ ଫିଲ୍ମ ସିଟି ଯୋଜନା ପାଇଁ ୪ ବିଡ୍ ଆସିଥିଲା । ଜେଭର ଏୟାରପୋର୍ଟ ପାଖରେ ଫିଲ୍ମସିଟି ନିର୍ମାଣ ପାଇଁ ଇଛା ରଖିଥିବା ୪ କମ୍ପାନୀମାନେ ମେସର୍ସ ସୁପରସୋନିକ୍ ଟେକ୍ନୋବିଲ୍ଡ ପ୍ରାଇଭେଟ୍ ଲିମିଟେଡ୍, ବେଭ୍ୟୁ ପ୍ରୋଜେକ୍ଟ୍ସ ଏଲଏଲପି, ମେସର୍ସ ସୁପର କ୍ୟାସେଟ୍ସ ଇଣ୍ଡଷ୍ଟ୍ରିଜ୍ ପ୍ରାଇଭେଟ୍ ଲିମିଟେଡ୍ ବ୍ୟତୀତ ଲାୟନ୍ସ ଫିଲ୍ମ ପ୍ରାଇଭେଟ୍ ଲିମିଟେଡ୍ ବୋଲି ଲଗାଇଥିଲେ ।

ଏଥିରେ ବୋନି କପୁରଙ୍କ କମ୍ପାନୀର ବୋଲି ସବୁଠାରୁ ଅଧିକ ହେଲା । ଏହା ପରେ ତାଙ୍କ କମ୍ପାନୀକୁ ଏହି ପ୍ରୋଜେକ୍ଟ ଦିଆଯାଇଛି । କହିରଖୁଛୁ ଯମୁନା ଏକ୍ସପ୍ରେସ୍-ଓ୍ବେ ଔଦଗିକ ବିକାଶ ପ୍ରାଧିକରଣ ଅନ୍ତର୍ଜାତୀୟ ଫିଲ୍ମ ସିଟି ପ୍ରକଳ୍ପର ସ୍ଥାପନ ପାଇଁ ୩୦ ସେପ୍ଟେମ୍ବର ୨୦୨୩କୁ ଅନ୍ତର୍ଜାତୀୟ ବିଡ୍ ଜାରି କରିଥିଲା । ବିଡ୍ ଜମା କରିବାର ଶେଷ ତାରିଖ ୫ ଜାନୁୟାରୀ ୨୦୨୪ ଦ୍ବିପ୍ରହର ସାଢେ ୨ଟା ପର୍ଯ୍ୟନ୍ତ ଥିଲା । ଏହା ପରେ ପ୍ରାଧିକରଣ ସ୍ତରରେ ବିଡ୍ସର ଟେକନିକ୍ ପରୀକ୍ଷଣ କରାଯାଇଥିଲା । କହିରଖୁଛୁ ଫିଲ୍ମ ସିଟି ପ୍ରକଳ୍ପର ସମୁଦାୟ ଏରିଆ ୧୦୦୦ ଏକର । ପ୍ରସ୍ତାବିତ ଭୂମିରେ ୭୮୦ ଏକର ଫିଲ୍ମ ସିଟି ଏବଂ ୨୨୦ ଏକର ବ୍ୟବସାୟିକ କାର୍ଯ୍ୟ ପାଇଁ ଉପଯୋଗରେ ଅଣାଯିବ । ନିର୍ମାଣ ହେବା ପରେ ଏହା ବିଶ୍ବର ସବୁଠାରୁ ବଡ ଫିଲ୍ମ ସିଟି ହେବ ।