ନୂଆଦିଲ୍ଲୀ: ଶୀତକାଳୀନ ଅଧିବେଶନ ସମୟରେ ନିଲମ୍ବିତ ହୋଇଥିବା ୧୪ ଜଣ ବିରୋଧୀ ଦଳ ସାଂସଦ ବଜେଟ୍ ଅଧିବେଶନରେ ଭାଗ ନେବା ପାଇଁ ସଂସଦକୁ ଫେରିବେ। ଏ ସମସ୍ତଙ୍କ ମାମଲା ସ୍ବାଧିକାର କମିଟି ନିକଟକୁ ପଠାଯାଇଥିଲା। ସଂସଦୀୟ ବ୍ୟାପାର ମନ୍ତ୍ରୀ ପ୍ରହଲ୍ଲାଦ ଯୋଶୀ କହିଛନ୍ତି ଯେ, ଏନେଇ ସରକାର ଲୋକସଭା ଓ ରାଜ୍ୟସଭାକୁ ଅନୁରୋଧ କରିଥିଲେ ଏବଂ ଏଥିରେ ଲୋକସଭା ବାଚସ୍ପତି ଓ ରାଜ୍ୟସଭା ଅଧ୍ୟକ୍ଷ ସହମତି ପ୍ରକାଶ କରିଛନ୍ତି।
ଉଭୟ ଲୋକସଭା ଓ ରାଜ୍ୟସଭାକୁ ଅନୁରୋଧ କରାଯାଇଥିଲା ଯେ, ଶୀତ ଅଧିବେଶନରେ ସାଂସଦମାନଙ୍କ ଆଚରଣ ପାଇଁ ସେମାନେ ଦୁଃଖ ପ୍ରକାଶ କରିବା ପରେ ତାଙ୍କ ନିଲମ୍ବନକୁ ରଦ୍ଦ କରିଯାଉ। ଏଠାରେ ସୂଚନାଯୋଗ୍ୟ, ସାଂସଦମାନଙ୍କ ଲଗାତାର ବିରୋଧ ପ୍ରଦର୍ଶନ ପରେ ଲୋକସଭା ବାଚସ୍ପତି ଓ ରାଜ୍ୟସଭା ଅଧ୍ୟକ୍ଷ କାର୍ଯ୍ୟାନୁଷ୍ଠାନ ପାଇଁ ବାଧ୍ୟ ହୋଇଥିଲେ।
Comments are closed.