ନୂଆଦିଲ୍ଲୀ/ମୁମ୍ବଇ: ୧୨୦ଟି ବିମାନ ସହ ଦେଶର ସବୁଠାରୁ ଅଧିକ ବିମାନ ସେବା ଯୋଗାଉଥିବା ଜେଟ ବିମାନ ସେବା ଏପ୍ରିଲ ୧୭ରୁ ବନ୍ଦ ହେବା ପରେ ଆନ୍ତର୍ଜାତିକ ସ୍ଥରରେ ବିମାନ ସେବା ଯୋଗାଉଥିବା କମ୍ପାନୀଗୁଡ଼ିକ ପ୍ରତ୍ୟାବର୍ତ୍ତନ କରିବାକୁ ଥିବା ଯାତ୍ରୀମାନଙ୍କଠାରୁ ଦୀର୍ଘକାଳୀନ ଲାଭ ଆଶାରେ ରହିଛନ୍ତି। ଜେଟ ବିମାନ କମ୍ପାନୀକୁ ବ୍ୟାଙ୍କ ଜରୁରୀକାଳୀନ ପାଣ୍ଠି ଦେବାକୁ ଅରାଜି ହେବାରୁ ଏହି ସେବା ବନ୍ଦ କରିଦିଆଯାଇଛି।
ମିଳିଥିବା ସୂଚନା ଅନୁଯାୟୀ, ଏତେ ସଂଖ୍ୟକ ବିମାନ ଏକ ସଙ୍ଗେ ଉଡାଣ ବନ୍ଦ କରିବା ଫଳରେ ଆନ୍ତର୍ଜାତିକ ବିମାନ କମ୍ପାନୀଗୁଡ଼ିକ ଟିକେଟ ଦର ବୃଦ୍ଧି କରିବା ସହ ସେମାନଙ୍କର ଚାହିଦା ମଧ୍ୟ ବୃଦ୍ଧି ହେଇଛି। ଭାରତୀୟ ଟ୍ରାଭେଲ ପୋର୍ଟାଲ ‘ମେକ ମାଇଁ ଟ୍ରିପ’ କହିଛି ଯେ ୨୦୧୯ର ପ୍ରଥମ ଭାଗରେ ଭାରତରୁ ଦୁବାଇ, ଲଣ୍ଡନ, ନ୍ୟୁଅର୍କ, ସିଙ୍ଗାପୁର ଏବଂ ବାଲିକୁ ୪ରୁ୩୨ ପ୍ରତିଶତ ପର୍ଯ୍ୟନ୍ତ ଦର ବୃଦ୍ଧି କରାଯାଇଥିଲା। ମେ ଏବଂ ଜୁନ ମାସରେ ଲଣ୍ଡନକୁ ୩୬ ପ୍ରତିଶତ ଦର ବୃଦ୍ଧି ଏବଂ ଏକ ବର୍ଷ ପୂର୍ବରୁ ସାନ ଫ୍ରାନସିସ୍କୋକୁ ୨୦ ପ୍ରତିଶତ ଦର ବୃଦ୍ଧି ହୋଇଥିଲା।
ବିମାନ ସେବା ଯୋଗାଣ କ୍ଷେତ୍ରରେ ଭାରତର ଅଭିବୃଦ୍ଧି ଜୋରଦାର ଥିବାବେଳେ ଗତ କିଛି ବର୍ଷ ମଧ୍ୟରେ ଏହା ୧୫ରୁ ୨୦ ପ୍ରତିଶତ ବୃଦ୍ଧି ପାଇଛି। ତେବେ ମେ ମାସ ୧୦ରେ ବନ୍ଦ ହୋଇଥିବା ଜେଟ କମ୍ପାନୀକୁ ଯଦି ନୂଆ ନିବେଶକ ମିଳିବେ, ପୁଣିଥରେ ଜେଟ କମ୍ପାନୀ ପୂର୍ବଭଳି ବିମାନ ସେବା ଯୋଗାଇ ଦେଇପାରିବ।
