ବହରାଇଚ: ଉତ୍ତରପ୍ରଦେଶର ବହରାଇଚ ଜିଲାରେ ଏକ ଗ୍ରାମରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି । ସରୟୁ ନଦୀରେ ଡଙ୍ଗା ବୁଡି ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୧୬ରୁ ଅଧିକ ନିଖୋଜ ଅଛନ୍ତି । ସୂଚନାଯୋଗ୍ୟ, ଜିଲାର ମିହିଂପୁରୱା ଅନ୍ତର୍ଗତ ଲୌକାହୀ ଗ୍ରାମର ଲୋକମାନେ ଧାନ ରୋପଣ କରିବା ପାଇଁ ସରୟୁ ନଦୀ ପାର ହୋଇ ଯାଉଥିଲେ । ଏହି ସମୟରେ ନଦୀରେ ଡଙ୍ଗାଟି ବୁଡି ଯାଇଥିଲା। ଡଙ୍ଗାରେ ପ୍ରାୟ ୨୦ ଜଣ ଗ୍ରାମବାସୀ ଥିଲେ । ଘଟଣାସ୍ଥଳରେ ଉଦ୍ଧାରକାରୀ ଦଳ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଏପର୍ଯ୍ୟନ୍ତ ୪ଟି ମୃତଦେହ ଉଦ୍ଧାର ହୋଇଥିବା ବେଳେ ଆହୁରି ୧୬ ଜଣ ନିଖୋଜ ଅଛନ୍ତି । ମୃତକଙ୍କ ସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି । ଘଟଣାସ୍ଥଳରେ ପୁଲିସ ଓ ପ୍ରଶାସନିକ ଅଧିକାରୀ ପହଞ୍ଚିଛନ୍ତି ।
Popular Categories
Previous article
Next article