ଚୌଦ୍ୱାର : ଓଡ଼ିଶାର ସୁପୁତ୍ରି ଶ୍ରୀମତୀ ଦୌପଦୀ ମୁର୍ମୁ ଭାରତର ରାଷ୍ଟ୍ରପତି ଭାବେ ବିଜୟ ହାସଲ କରିଥିବାରୁ ସମଗ୍ର ଓଡ଼ିଶା ଉତ୍ସବ ମୁଖର ହୋଇ ପଡ଼ିଛି । ଏହି ପରିପ୍ରେକ୍ଷିରେ ବିଜେପି ଚୌଦ୍ୱାର ମଣ୍ଡଳ ତରଫରୁ ବିଜୟ ଉତ୍ସବ ପାଳନ କରାଯାଇଛି । ମଣ୍ଡଳ ସଭାପତି କୈଳାସ ଚନ୍ଦ୍ର ବେହେରାଙ୍କ ନେତୃତ୍ୱରେ ଗାନ୍ଧୀଛକ ଠାରେ ଅନୁଷ୍ଠିତି କାର୍ଯ୍ୟକ୍ରମରେ ଜିଲା ଉପ ସଭାପତି ପ୍ରଶାନ୍ତ କୁମାର ହୋତା, ସମ୍ପାଦକ ବୈରାଗୀ ଚରଣ ପ୍ରଧାନ, ପ୍ରକାଶ ଚନ୍ଦ୍ର ବଡ଼ଜେନା ପ୍ରମୁଖ ଯୋଗଦେଇ ରାଷ୍ଟ୍ରପତି ଭାବେ ଦୌପଦୀଙ୍କ ବିଜୟ ଓଡ଼ିଶା ବାସୀଙ୍କୁ ଗୌରବାନ୍ୱିତ କରିଛି ବୋଲି ପ୍ରକାଶ କରି ତାଙ୍କ ନେତୃତ୍ୱ ଭାରତର ସର୍ବାଙ୍ଗୀନ ବିକାଶ ସାଧନରେ ଗୁରୁତ୍ୱପୂର୍ଣ୍ଣ ଭୂମିକା ନେବ ବୋଲି ଆଶାବ୍ୟକ୍ତ କରିଥିଲେ । ଅନ୍ୟ ମାନଙ୍କ ମଧ୍ୟରେ ଅକ୍ଷୟ କୁମାର ଭୁୟାଁ, ନିଗମ ପ୍ରସାଦ ସାହୁ, ସନ୍ତୋଷ କୁମାର ସାହୁ, କମଳ ମହାନ୍ତି, ହଂସ ଚରଣ ସାହୁ, ପ୍ରତାପ ଜେନା, ସୁଷମା ବଡ଼ଜେନା, ମମତା ବେହେରା, କ୍ଷିରୋଦ ନାୟକ, ସୁମିତ୍ରା ମହାନ୍ତି, ଅଶୋକ ନାୟକଙ୍କ ସମେତ ଶତାଧିକ କର୍ମୀ ଓ ସାଧାରଣ ଜନତା ଏଥିରେ ଯୋଗ ଦେଇଥିଲେ ।
Comments are closed.