ଭୁବନେଶ୍ୱର: ଆଜିଠାରୁ ପୁରୀରେ ବିଜେପିର ଦୁଇ ଦିନିଆ ପରିବର୍ଦ୍ଧିତ ରାଜ୍ୟ କାର୍ଯ୍ୟକାରିଣୀ ବୈଠକ ହେବାକୁ ଯାଉଛି । ହେଲେ ଏହାପୂର୍ବାରୁ ବିଜେପି ରାଜ୍ୟ ପଦାଧିକାରୀ ବୈଠକ ବସିଛି । ଏହି ବୈଠକରେ କ୍ଷେତ୍ରୀୟ ପ୍ରଭାରୀ ସୁନୀଲ ବଂଶଲ, ରାଜ୍ୟ ପ୍ରଭାରୀ ବିଜୟପାଲ ସିଂ ତୋମାର ଏବଂ ସହ-ପ୍ରଭାରୀ ଲତା ଉଶେଣ୍ଡିଙ୍କ ସହ ରାଜ୍ୟ ବିଜେପିର ସମସ୍ତ ପଦାଧିକାରୀ ଉପସ୍ଥିତ ରହିଛନ୍ତି । ରାଜ୍ୟ କାର୍ଯ୍ୟକାରିଣୀ ବୈଠକରେ ଆଲୋଚନା ହେବାକୁ ଥିବା ପ୍ରସ୍ତାବରେ ମୋହର ବାଜିବ । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା କାର୍ଯ୍ୟକାରିଣୀକୁ ଉଦଘାଟନ କରିବେ । ବୈଠକ ପୂର୍ବରୁ ବିଜୟ ପାଲ ସିଂ କହିଛନ୍ତି ଯେ କାର୍ଯ୍ୟକାରିଣୀରେ ଶାନ୍ତି ପ୍ରସ୍ତାବ ଉପରେ ଆଲୋଚନା, ଦଳୀୟ କାର୍ଯ୍ୟର ସମୀକ୍ଷା ଏବଂ ଧନ୍ୟବାଦ ପ୍ରସ୍ତାବ ପାରିତ ହେବା ସହ ଅନ୍ୟାନ୍ୟ ପ୍ରସଙ୍ଗରେ ଆଲୋଚନା ହେବ । ରାଜ୍ୟରେ ବିଜେପି ସରକାର ଯାହା ସଂକଳ୍ପ କରିଥିଲେ ତାହାକୁ ପୂରା କରିବେ, ସରକାର ଗଠନ ହେବା ପରେ ସଂକଳ୍ପ ପୂରଣ ହେଉଛି ।
Comments are closed.