ଚେନ୍ନଇ : ତାମିଲନାଡୁ ମୁଖ୍ୟମନ୍ତ୍ରୀ ଏମ୍କେ ଷ୍ଟାଲିନ୍ଙ୍କ ବିରୋଧରେ ବଡ଼ ଅଭିଯୋଗ ଆଣିଛି ବିଜେପି। ବିଜେପି ପକ୍ଷରୁ ଶୁକ୍ରବାର ଡିଏମ୍କେ ଫାଇଲ୍ସ ନାମକ ଏକ ଭିଡିଓ ଜାରି କରାଯାଇଛି। ତାମିଲନାଡୁ ମୁଖ୍ୟମନ୍ତ୍ରୀ ଷ୍ଟାଲିନ୍ ଓ ତାଙ୍କର ବରିଷ୍ଠ ମନ୍ତ୍ରୀଙ୍କ ନିକଟରେ ୧.୩୪ ଲକ୍ଷ କୋଟିର କଳାଧନ ଥିବା ରାଜ୍ୟ ବିଜେପି ସଭାପତି କେ. ଅନ୍ନାମଲାଇ ଅଭିଯୋଗ ଆଣିଛନ୍ତି। ଡିଏମ୍କେ ଫାଇଲ୍ସର ପ୍ରଥମ ଭାଗକୁ ଉନ୍ମୋଚନ କରି ଅନ୍ନାମଲାଇ କହିଥିଲେ ଡିଏମ୍କେ ଦଳ ଦୁର୍ନୀତିରେ ବୁଡ଼ି ରହିଛି। ଏହି ଦଳର ବରିଷ୍ଠ ନେତାଙ୍କ ନିକଟରେ ୧.୩୪ ଲକ୍ଷ କୋଟି ଟଙ୍କାର କଳାଧନ ରହିଛି। ଏହି ଦଳର ନେତାମାନେ ବେଆଇନ ଅର୍ଥ କାରବାରରେ ସଂପୃକ୍ତ। ଏ ସମ୍ପର୍କରେ ଜନସାଧାରଣଙ୍କୁ ଅବଗତ କରିବାକୁ ପ୍ରୟାସ ଆରମ୍ଭ ହୋଇଛି। ଆଗାମୀ ଦିନରେ ଡିଏମ୍କେ ଫାଇଲ୍ସର ଅନ୍ୟ ଭାଗ ଜାରି କରାଯିବ। ଡିଏମ୍କେ ସରକାରର ଦୁର୍ନୀତି ସମ୍ପର୍କରେ ଜନସାଧାରଣଙ୍କୁ ଅବଗତ କରାଇବାକୁ ଜୁନ୍ ପ୍ରଥମ ସପ୍ତାହରୁ ବିଜେପି ତରଫରୁ ରାଜ୍ୟବ୍ୟାପୀ ପଦଯାତ୍ରା କାର୍ଯ୍ୟକ୍ରମ ଆୟୋଜନ କରାଯିବ ବୋଲି ସୂଚନା ଦେଇଥିଲେ। ଦୁର୍ନୀତି ବିରୋଧରେ ବିଜେପିର ଅଭିଯାନ ଜାରି ରହିଛି ବୋଲି ସେ ସ୍ପଷ୍ଟ କରି ଦେଇଥିଲେ। ସୂଚନାଥାଉ କି ଗତ ୪ରେ ଅନ୍ନାମଲାଇ ତାମିଲନାଡୁ ମୁଖ୍ୟମନ୍ତ୍ରୀ ଷ୍ଟାଲିନ୍ଙ୍କୁ ତୀବ୍ର ସମାଲୋଚନା କରିଥିଲେ। ସାମାଜିକ ନ୍ୟାୟ ନେଇ ଷ୍ଟାଲିନ୍ ଯେଉଁ ମନ୍ତବ୍ୟ ଦେଇଥିଲେ ତାହାକୁ ନେଇ ଅନ୍ନାମଲାଇ ଅସନ୍ତୁଷ୍ଟ ଥିଲେ। ଆର୍ଥିକ ଦୁର୍ବଳ ଶ୍ରେଣୀଙ୍କୁ ସଂରକ୍ଷଣ ପ୍ରଦାନକୁ ଡିଏମ୍କେ ସରକାର ବିରୋଧ କରୁଥିବାରୁ ଷ୍ଟାଲିନ୍ ସାମାଜିକ ନ୍ୟାୟ ସପକ୍ଷରେ ମତ ଦେବା ଯୁକ୍ତିସଙ୍ଗତ ନୁହେଁ ବୋଲି ଅନ୍ନାମଲାଇ ଦର୍ଶାଇଥିଲେ।
ଷ୍ଟାଲିନ୍ ଓ ସହଯୋଗୀଙ୍କ ପାଖରେ ୧.୩୪ ଲକ୍ଷ କୋଟିର କଳାଧନ
Popular Categories
Previous article
Next article