ନୂଆଦିଲ୍ଲୀ : ବିଧାନସଭା ନିର୍ବାଚନ ପୂର୍ବରୁ ମଧ୍ୟପ୍ରଦେଶ ଓ ରାଜସ୍ଥାନ ବିଜେପିର ଦଳୀୟ ପଦରେ ବଡ଼ ଧରଣର ଅଦଳବଦଳ କରାଯାଇଛି। ମଧ୍ୟପ୍ରଦେଶ ବିଜେପି ଅଧ୍ୟକ୍ଷ ପଦରୁ ନନ୍ଦକୁମାର ସିଂହ ଇସ୍ତଫା ଦେବା ପରେ ତାଙ୍କ ସ୍ଥାନରେ ଜବଲପୁର ସାଂସଦ ରାକେଶ ସିଂହଙ୍କୁ ନିଯୁକ୍ତି ଦିଆଯାଇଛି। ସେହିପରି ରାଜସ୍ଥାନ ବିଜେପି ଅଧ୍ୟକ୍ଷ ପଦରୁ ଅଶୋକ ପର୍ନାମି ଇସ୍ତଫା ଦେଇଛନ୍ତି। ନନ୍ଦକୁମାର ମଙ୍ଗଳବାର ନିଜ ଇସ୍ତଫାପତ୍ର ରାଷ୍ଟ୍ରୀୟ ଅଧ୍ୟକ୍ଷଙ୍କୁ ପ୍ରଦାନ କରିଥିଲେ। ରାକେଶ ସିଂହ ୨୦୦୪ରୁ ଜବଲପୁର ସାଂସଦ ଅଛନ୍ତି। ନିଜ ନିର୍ବାଚନ ମଣ୍ଡଳୀରେ କାର୍ଯ୍ୟ କରିବାକୁ ଇସ୍ତଫା ଦେଇଛନ୍ତି ବୋଲି ନନ୍ଦକୁମାର କହିଛନ୍ତି। ମଧ୍ୟପ୍ରଦେଶ ବିଜେପି ଅଧ୍ୟକ୍ଷ ଭାବେ କାର୍ଯ୍ୟ କରୁଥିବାବେଳେ ନନ୍ଦକୁମାର ଅନେକ ବିବାଦ ମଧ୍ୟରେ ଛନ୍ଦି ହୋଇପଡିଥିଲେ। ସରକାରୀ କାର୍ଯ୍ୟରେ ହସ୍ତକ୍ଷେପ କରୁଥିବାନେଇ ତାଙ୍କ ନାମରେ ଅଭିଯୋଗ ଆସିଥିଲା।
