ଯାଜପୁର : ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟଙ୍କ କର କମଳରେ ଧର୍ମଶାଳାରେ ଜନ୍ମ ନେଇଥିବା ବିଜେଡି ଗାର୍ଲସ ୱିଙ୍ଗ ଚଳିତ ନିର୍ବାଚନରେ ୭ଗୋଟି ସ୍ଥାନରେ ପ୍ରତିଦ୍ୱନ୍ଦିତା କରିବାର ସୁଯୋଗ ପାଇଥିଲେ। ଜୋନ -୧୧ର ରାଇଛନ୍ଦା ପଞ୍ଚାୟତ ସମିତିସଭ୍ୟା ଅନିତା ବେହେରା, ଜୋନ -୧୨ର ଅଣ୍ଟିଆ ସମିତିସଭ୍ୟା ତିଳୋତମା ଦଳାଇ, ଜୋନ ନଂ-୧୩ ଜିଲ୍ଲା ପରିଷଦ ସ୍ମୃତିରେଖା ବେହେରା, ଜୋନ -୩୪ର ଶ୍ରୀବନ୍ତପୁର ପଞ୍ଚାୟତର ସମିତିସଭ୍ୟା ସୌଦାମିନୀ ସାମଲ ଏବଂ ଜୋନ -୧୫ରେ ଉତ୍ତରପ୍ରତାପ ପଞ୍ଚାୟତ ସମିତିସଭ୍ୟା ତଥା ବିଜେଡି ଗାର୍ଲସ ୱିଙ୍ଗ୍ ସଭାନେତ୍ରୀ କ୍ଷୀରାବ୍ଦି ତନୟା ମଲ୍ଲିକ୍ ନିର୍ବାଚନ ଲଢି ଗାର୍ଲସ ୱିଙ୍ଗର ୭ରୁ ୭ଜଣ କର୍ମକର୍ତ୍ତା ନିର୍ବାଚନ ଲଢି ଭଲ ବ୍ୟବଧାନରେ ବିଜୟୀ ଲାଭ କରିବା ସହିତ ସାରା ରାଜ୍ୟରେ ପ୍ରଥମକରି ଝିଅମାନଙ୍କୁ ନେଇ ହୋଇଥିବା ଧର୍ମଶାଳାର ବିଜେଡି ଗାର୍ଲସ ୱିଙ୍ଗ୍ ସାଧାରଣ ଲୋକଙ୍କ ପାଖରେ ଆଦୃତ ହୋଇପାରିଛି। ସମସ୍ତ ପ୍ରତିନିଧି ବିଧାୟକ ପ୍ରଣବ କୁମାର ବଳବନ୍ତରାୟଙ୍କୁ ଜିତିବାର ଶ୍ରେୟ ଦେବା ସହିତ ବିଧାୟକ ଧର୍ମଶାଳାରେ ଚାଲୁ ରଖିଥିବା ବିକାଶ ଧାରା ସଫଳତାର ଚାବିକାଠି ବୋଲି କହିବା ସହିତ ପୁଷ୍ପଗୁଚ୍ଛ ଦେଇ ବିଧାୟକଙ୍କୁ କୃତଜ୍ଞତା ଜଣାଇଥିଲେ ଏବଂ ନିଜ ନିଜ ଜୋନ ଏବଂ ପଞ୍ଚାୟତବାସୀଙ୍କୁ ଧନ୍ୟବାଦ ଜଣାଇଛନ୍ତି ।
Comments are closed.