ଭୁବନେଶ୍ବର : ଆଗାମୀ ନିର୍ବାଚନ ପାଇଁ ସବୁ ଦଳ ଜୋରସୋରରେ ପ୍ରସ୍ତୁତିରେ ଲାଗିପଡିଛନ୍ତି । ଆଜି ଶାସକ ଦଳ ବିଜେଡି ପକ୍ଷରୁ ନିର୍ବାଚନୀ ଇସ୍ତାହାର କମିଟି ଗଠନ କରାଯାଇଥିବାବେଳେ ବିରୋଧୀ କଂଗ୍ରେସ ପକ୍ଷରୁ ମଧ୍ୟ ପ୍ରଚାର କମିଟି ଗଠନ କରାଯାଇଛି । ବିଜେଡି ୩୮ ଜଣିଆ ନିର୍ବାଚନୀ ଇସ୍ତାହାର କମିଟି ଗଠନ କରିଥିବାବେଳେ କଂଗ୍ରେସ ପ୍ରଚାର କମିଟି ତାଲିକାରେ ୫୯ ଜଣଙ୍କ ନାଁ ସାମିଲ ଅଛି ।
ବିଜେଡି ଇସ୍ତାହାର କମିଟିରେ ଚନ୍ଦ୍ରଶେଖର ସାହୁଙ୍କୁ ଅଧ୍ୟକ୍ଷ ଏବଂ ୬ ଜଣଙ୍କୁ ସହ-ଅଧ୍ୟକ୍ଷ ଦାୟିତ୍ବ ପ୍ରଦାନ କରାଯାଇଛି। ଦେବୀପ୍ରସାଦ ମିଶ୍ର, ପ୍ରତାପ ଦେବ, ସୁଦାମ ମାର୍ଣ୍ଡି, ପଦ୍ମନାଭ ବେହେରା, କସ୍ତୁରୀ ମହାପାତ୍ର ଓ ମଙ୍ଗଳା କିଷାନଙ୍କୁ ସହ-ଅଧ୍ୟକ୍ଷ ଦାୟିତ୍ବ ପ୍ରଦାନ କରିଛି ଦଳ । ଅମର ପଟ୍ଟନାୟକଙ୍କୁ ଆବାହକ ଦାୟିତ୍ବ ପ୍ରଦାନ କରାଯାଇଥିବାବେଳେ ସସ୍ମିତ ପାତ୍ରଙ୍କୁ ସହ ଆବାହକ ଦାୟିତ୍ବ ପ୍ରଦାନ କରାଯାଇଛି ।
ଅନ୍ୟପଟେ ପ୍ରଚାର କମିଟିରେ ଭକ୍ତ ଦାସଙ୍କୁ କମିଟିର ଅଧ୍ୟକ୍ଷ ଦାୟିତ୍ବ ଦିଆଯାଇଥିବାବେଳେ ନବଜ୍ୟୋତି ପଟ୍ଟନାୟକଙ୍କୁ ଉପାଧ୍ୟକ୍ଷ ଦାୟିତ୍ବ ପ୍ରଦାନ କରିଛି କଂଗ୍ରେସ । କମିଟିରେ ଶରତ, ନରସିଂହ, କେପି ସିଂଦେଓ, ନିରଞ୍ଜନ, କାହ୍ନୁ ଲେଙ୍କା, ଶ୍ରୀକାନ୍ତ, ଗିରିଧର, ଜୟଦେବ, ପଞ୍ଚାନନ ବିଜୟ ପଟ୍ଟନାୟକ ସଦସ୍ୟ ଅଛନ୍ତି ।
