ଆଜି ବିଶ୍ବକର୍ମା ପୂଜା

0

ବିଶ୍ବକର୍ମା ଅନ୍ୟ ଅର୍ଥରେ ବିଶ୍ବର ସୃଷ୍ଟି କର୍ତ୍ତା। ସେ ହେଲେ ସ୍ବର୍ଗର ଶ୍ରେଷ୍ଠ ଶିଳ୍ପୀ। ଓଡ଼ିଶାର ବଢ଼େଇ, କମାର, ତନ୍ତୀ ଇତ୍ୟାଦି ଜାତିର ଲୋ​‌କେ ହାତହତିଆରକୁ ପୂଜା କରୁଥିଲେ। ଆଧୁନିକ ଯୁଗରେ ନାନା ଶିଳ୍ପର ଅଭିବୃଦ୍ଧି ଘଟିଛି ପରିପ୍ରକାଶ। ତା’ ସଙ୍ଗେସଙ୍ଗେ ବିଶ୍ବକର୍ମା ପୂଜାର ପ୍ରସାର ସବୁଠାରେ ବଢ଼ିଚାଲିଛି। ସ୍ଥାନେସ୍ଥାନେ ନିର୍ମିତ ମୂର୍ତ୍ତି ପୂଜା ପରେ ଦୁଇ ତିନିଦିନ ରହୁଥିବାର ଦେଖାଯାଏ। ତା’ ଛଡ଼ା ଏହି ପୂଜା ଉପଲକ୍ଷେ ସରସ୍ବତୀ ଓ ଗଣେଶ ପୂଜା ଭଳି ଭୋଜିଭାତର ଆୟୋଜନ ହୋଇଥାଏ। ଦେଶର ଅଗ୍ରଗତି ସଙ୍ଗେସଙ୍ଗେ ଶିଳ୍ପର ବିକାଶ ଫଳରେ ଏହି ପୂଜା ଆଧୁନିକ ଯୁଗରେ ବହୁଳ ପ୍ରସାରିତ ହୋଇଛି।

ଭୁବନେଶ୍ବର, ରାଉରକେଲା, ତାଳଚେର, ପାରାଦ୍ବୀପ ଓ ଅନୁଗୁଳ ସମେତ ରାଜ୍ୟର ବିଭିନ୍ନ ସହରରେ ବିଶ୍ବକର୍ମା ପୂଜା ଆରମ୍ଭ ହୋଇଛି। ପାରାଦ୍ବୀପରେ ବିଶ୍ବକର୍ମା ପୂଜା ୭ଦିନ ଧରି ଅନୁଷ୍ଠିତ ହେବ। ସେଠାରେ ବିଭିନ୍ନ ଶ୍ରମିକ ସଙ୍ଗଠନ, ଶିକ୍ଷାନୁଷ୍ଠାନ ଓ ବିଭିନ୍ନ ବିଭାଗ ପକ୍ଷରୁ ବିଶ୍ବକର୍ମା ପୂଜା ପାଳନ କରାଯାଉଛି। ଲକ୍ଷାଧିକ ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି।

Leave A Reply