ମୋଟର ସାଇକେଲରୁ ବାହାରୁଛି ଟଙ୍କା, ଭିଡିଓ ଭାଇରାଲ
![](https://samajalive.in/wp-content/uploads/2024/02/Capture-146-750x430.jpg)
ନୂଆଦିଲ୍ଲୀ : ସହରରେ ଆଜି କାଲି ବ୍ୟାଙ୍କ ବା ଏଟିଏମ୍ ଏକ ସାଧାରଣ କଥା । କିନ୍ତୁ ଏବେବି ଏମିତି ଅନେକ ଗାଁ ଅଛି ଯେଉଁଠି ଏଟିଏମ୍ ନାହିଁ । ଗାଁ ଲୋକେ ଏହି ସୁବିଧା ସହଜରେ ପାଇପାରୁନାହାଁନ୍ତି । ପଇସା ଜମା ପାଇଁ ହେଉ ବା ଉଠାଇବା ପାଇଁ, ଲୋକଙ୍କୁ ଅନେକ ବାଟ ଅତିକ୍ରମ କରିବାକୁ ପଡୁଛି । ଏହା ମଧ୍ୟରେ ଜଣେ ଯୁବକଙ୍କ ଏଟିଏମ୍ ମେସିନ ଯୋଗାଡର ଭିଡିଓ ଭାଇରାଲ ହେଉଛି, ଯାହାକୁ ଦେଖି ସମସ୍ତେ ଚକିତ ହେଉଛନ୍ତି ।
View this post on Instagram
ଭାଇରାଲ ହେଉଥିବା ଏହି ଭିଡିଓରେ ନଜର ଆସୁଛି କି ଯୁବକ ଜଣକ ବାଇକ ପଛରେ ଏକ ମେସିନ ଯୋଡିଛନ୍ତି । ଏହି ମେସିନରେ ଏଟିଏମ୍ କାର୍ଡ ଦେବା ପାଇଁ ଏକ ସ୍ଥାନ ଅଛି । କାର୍ଡ ଦେବା ପରେ ଏହାର ଠିକ୍ ଉପରେ ପାସଓ୍ବର୍ଡ ଦେବା ପାଇଁ ଏକ ବିକଳ୍ପ ରହିଛି । ଏଥିରେ କେତେ ଟଙ୍କା ଉଠାଇବା ପାଇଁ ସୁଇଚ୍ ମଧ୍ୟ ରହିଛି । ଟଙ୍କାର ରାଶି ଭରିବା ପରେ ଏକ ଡବା ଖୋଲିଯାଉଛି ଏବଂ ସେଥିରୁ ପଇସା ବାହାରି ଆସୁଛି । ପିଲାଙ୍କ ଟଙ୍କା ରଖିବା ଘଡି ଭଳି ଏହି ଏଟିଏମକୁ ପ୍ରସ୍ତୁତ କରାଯାଇଛି ।
ତେବେ ଧ୍ୟାନର ସହିତ ଦେଖିବା ପରେ ଜଣାପଡୁଛି କି ଏଥିରେ ବାସ୍ତବରେ କୌଣସି ଏଟିଏମ୍ ନାହିଁ । ଯୁବକ ଜଣକ ଏହାକୁ ଏଟିଏମ୍ ଭଳି ପ୍ରସ୍ତୁତ କରିଛନ୍ତି । ଏହାକୁ କେବଳ ମନୋରଞ୍ଜନ ପାଇଁ ପ୍ରସ୍ତୁତ କରାଯାଇଛି । ଗ୍ରାମାଞ୍ଚଳରେ ଏଟିଏମ୍ ନଥିବା ଦ୍ବାରା ଲୋକମାନେ କେତେ ହଇରାଣ ହେଉଛନ୍ତି ତାହା ଦର୍ଶାଇବା ପାଇଁ ଯୁବକ ଜଣକ ଏକ ଅଭିନବ ଉପାୟ ବାହାର କରିଛନ୍ତି । ଭିଡିଓଟି ଭାଇରାଲ ହେବା ପରେ ସମସ୍ତେ ଏହାକୁ ପସନ୍ଦ କରିବା ସହ ଏଥିରେ ଭିନ୍ନ ଭିନ୍ନ ପ୍ରତିକ୍ରିୟା ମଧ୍ୟ ଦେଉଛନ୍ତି ।
Comments are closed.