ପାଟନା: ବିହାର ରାଜଧାନୀ ପାଟନାରେ ବୋମା ବିସ୍ଫୋରଣ ହୋଇଛି। ଗାନ୍ଧୀ ମଇଦାନ ଅଞ୍ଚଳରେ ସୋମବାର ସକାଳେ ଏହି ବିସ୍ଫୋରଣ ହୋଇଥିବା ସୂଚନା ମିଳିଛି।
ପୁଲିସ ସୂଚନା ଅନୁଯାୟୀ ସ୍ଥାନୀୟ ଜଣଙ୍କ ଘରେ ଏହି ବିସ୍ଫୋରଣ ହୋଇଛି। ଏହି ବିସ୍ଫୋରଣରେ ୫ ଜଣ ଆହତ ହୋଇଥିବା ଜଣାପଡିଛି। ସେମାନଙ୍କ ମଧ୍ୟରୁ ଜଣେ ବୃଦ୍ଧାଙ୍କ ଅବସ୍ଥା ସଙ୍କଟାପନ୍ନ ରହିଛି। ଘରେ ବୋମା ରଖାଯାଇଥିବା ନେଇ ପୁଲିସ ସନ୍ଦେହ କରୁଛି। ବିସ୍ଫୋରଣରେ ଦୁଇ ଜଣଙ୍କ ଘର କ୍ଷତିଗ୍ରସ୍ତ ହୋଇଛି। ଆହତଙ୍କୁ ପିଏମସିଏଚ୍ ହସ୍ପିଟାଲରେ ଭର୍ତ୍ତି କରାଯାଇଛି। ବିସ୍ଫୋରଣ ଏତେ ଭୟଙ୍କର ଥିଲା ଯେ ଘରେ ରହୁଥିବା ଲୋକେ ବାହାରେ ଛିଟିକି ପଡିଥିଲେ।
- Advertisement -
ସ୍ଥାନୀୟଲୋକଙ୍କ ସୂଚନା ଅନୁଯାୟୀ ବିସ୍ଫୋରଣ ଦୁଇ ଥର ହୋଇଥିଲା। ବିସ୍ଫୋରଣ ପରେ ଆଖପାଖ ଘରର କାନ୍ଥ, କବାଟ ଓ ଝରକା ଖସି ପଡିଛି। ବିସ୍ଫୋରଣ ହୋଇଥିବା ଘରେ ଜଣେ ଅଟୋ ଚାଳକ ଘର ଭଡା ନେଇ ରହୁଥିଲେ ବୋଲି ଜଣାପଡିଛି।
