ଭୁବନେଶ୍ୱର (ସମାଜ ଡିଜିଟାଲ ଡେସ୍କ)- ପୁଣି ପ୍ରଚଣ୍ଡ ଶଦ୍ଦରେ ଥରିଲା ରାଜ୍ୟର ୪ ଜିଲ୍ଲା । ବଲେଶ୍ୱର ସହ ଭଦ୍ରକ, କେନ୍ଦୁଝର ଏବଂ ମୟୁରଭଞ୍ଜ ଜିଲ୍ଲାର କେତକ ଅଂଶ ଏହି ପ୍ରଚଣ୍ଡ ଶଦ୍ଦ ଶୁଣାଯାଇଥିଲା । କୋଠାଘର ଥରିବା ସାଙ୍ଗକୁ କବାଟ ଓ ଝରକା ହଲିବାକୁ ଲାଗିଥିଲା । ପ୍ରଚଣ୍ଡ ଶଦ୍ଦ ଶୁଣି ଭୟଭୀତ ହୋଇ କିଛି ଲୋକ ବାହାରକୁ ବାହାରି ଆସିଥିଲେ ।
ଦୁଇ ସପ୍ତାହ ତଳେ ଏପରି ଶଦ୍ଦ ଶୁଣାଯାଇଥିଲା । ତେବେ କେଉଁ କାରଣରୁ ଏପରି ପ୍ରଚଣ୍ଡ ଶଦ୍ଦ ହେଉଛି ସେ ବିଷୟରେ କିଛି ଜଣା ପଡି ନାହିଁ । ବେଳେ ବେଳେ ଯୁଦ୍ଧ ବିମାନ ଦ୍ରୁତ ଗତିରେ ଗଲା ବେଳେ ଏପରି ଶଦ୍ଦ ହୋଇଥାଏ । ସୁପରସୋନିକ ଯୋଗୁଁ ଏପରି ପ୍ରଚଣ୍ଡ ଶଦ୍ଦ ହୋଇଥାଏ । ରାଜ୍ୟର ଏହି ୪ଟି ଜିଲ୍ଲାରେ ଏପରି ଶଦ୍ଦ କାହିଁକି ହୋଇଛି ସେ ବିଷୟରେ କୌଣସି ସୂଚନା ମିଳିନାହିଁ ।
