ଭୁବନେଶ୍ୱର: ଆଜି ପୁରୀ ଯିବେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ । ଶ୍ରୀ ମନ୍ଦିରରେ ମହାପ୍ରଭୁ ଶ୍ରୀ ଜଗନ୍ନାଥଙ୍କୁ ଦର୍ଶନ କରିବେ । ଏନେଇ ଅପରାଜିତା ଟ୍ୱିଟ୍ କରିଥିବା ଦେଖିବାକୁ ମିଳିଛି । ଟ୍ୱିଟ୍ରେ ସାଂସଦ ପୂର୍ବାହ୍ନରେ ପୁରୀ ଯାଉଥିବା କଥା ସ୍ପଷ୍ଟ କରିଛନ୍ତି । ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ କରିବା ସହ ଆଶୀର୍ବାଦ ଭିକ୍ଷା କରିବାକୁ ଯାଉଥିବା ସେ ଉଲ୍ଲେଖ କରିଛନ୍ତି ।
ପୂର୍ବରୁ ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ରାଜ୍ୟ ରାଜନୀତିରେ ଅପରାଜିତା ଖୁବ୍ ଚର୍ଚ୍ଚାରେ ରହିଛନ୍ତି । ପ୍ରକଳ୍ପ ବିରୋଧୀ ଆନ୍ଦୋଳନକୁ ସାଂସଦ ଖୁଲମଖୁଲା ସମର୍ଥନ ମଧ୍ୟ କରୁଥିବା ମଧ୍ୟ ଦେଖିବାକୁ ମିଳିଛି । ପ୍ରକଳ୍ପ ପ୍ରସଙ୍ଗକୁ ନେଇ ଅପରାଜିତା ଲୋକସଭାରେ ଉଠାଇଥିଲେ । ଲୋକସଭାରେ ଏହି ପ୍ରସଙ୍ଗ ଉଠିବାକୁ ନେଇ ରାଜ୍ୟ ରାଜନୀତି ସରଗରମ ହୋଇଥିଲା ।
ଅନ୍ୟପଟେ ପୁରୀ ଐତିହ୍ୟ କରିଡରକୁ ନେଇ ପ୍ରକଳ୍ପ ବିରୋଧରେ ହେବାକୁ ଥିବା ଆଜି ପଦଯାତ୍ରାକୁ ଜିଲ୍ଲା ପ୍ରଶାସନ ବାରଣ କରିଛି । ଅଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ପ୍ରଶାସନ ପଦଯାତ୍ରାକୁ ବାରଣ କରିଥିବା କହିଛି ।
Comments are closed.