କଳିଙ୍ଗ ଷ୍ଟାଡିୟମରେ ଉନ୍ମୋଚିତ ହେଲା ଜୁନିଅର ମହିଳା ବିଶ୍ୱକପ୍ ଲୋଗୋ

ଭୁବନେଶ୍ୱର: କଳିଙ୍ଗ ଷ୍ଟାଡିୟମରେ ଉନ୍ମୋଚିତ ହେଲା ଜୁନିଅର ମହିଳା ବିଶ୍ୱକପ୍‌ ଲୋଗୋ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଲୋଗୋ ଉନ୍ମୋଚନ କରିଥିବା ବେଳେ, ଏହି ଅବସରରେ ଭାରତୀୟ ଖେଳାଳିଙ୍କ ସହ ମୁଖ୍ୟମନ୍ତ୍ରୀ ଫଟୋ ଉଠାଇଛନ୍ତି । ଫିଫା ୧୭ ବର୍ଷରୁ କମ୍‌ ମହିଳା ବିଶ୍ୱକପ୍‌ ଇଣ୍ଡିଆ ୨୦୨୨ ଲୋଗୋ ଉନ୍ମୋଚନ ସମୟରେ ଫିଫାର କର୍ମକର୍ତ୍ତା ମାନେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଥିଲେ । ତାହା ସହ ଓଡ଼ିଶା ସରକାର ଓ କ୍ରୀଡ଼ା ବିଭାଗକୁ ମଧ୍ୟ ଫିଫା ପକ୍ଷରୁ ପ୍ରଶଂସା କରାଯାଇଥିଲା । ସେପଟେ ଆରମ୍ଭ ହୋଇଛି ସ୍କୁଲ ଫୁଟବଲ କାର୍ଣ୍ଣିଭାଲ । ୬୦ ହଜାର ସ୍କୁଲ ପିଲାଙ୍କୁ ନେଇ ଫୁଟବଲ କାର୍ଣ୍ଣିଭାଲ କରାଯାଇଛି । ପୂର୍ବରୁ ମଧ୍ୟ କ୍ରୀଡ଼ା ବିଭାଗ ପକ୍ଷରୁ ଓଡ଼ିଶାରେ ଖେଳାଳିମାନଙ୍କୁ ସ୍ୱତନ୍ତ୍ର ସୁବିଧା ଯୋଗାଇ ଦିଆଯାଇଛି । ସମସ୍ତ କ୍ରୀଡ଼ା କ୍ଷେତ୍ରରେ ରାଜ୍ୟ ସରକାର ରାଜ୍ୟର ଖେଳାଳି ମାନଙ୍କୁ ପ୍ରୋଚ୍ଛାହିତ କରିଛନ୍ତି ।

ମାଙ୍କଡ଼ କରୁଛି ବାଇକ୍‌ ରେସିଂ; ଦେଖନ୍ତୁ ଏହି ମଜାଦାର ଭିଡିଓ