ବର୍ଷାଭିଜା ଭସାଣୀ

କାମାକ୍ଷାନଗର- ଲଘୁଚାପ ଜନିତ ଝିପି ଝିପି ବର୍ଷାରେ ମା ଦୁର୍ଗାଙ୍କର ଭସାଣି ଅନୁଷ୍ଠିତ ହୋଇଯାଇଛି l ଏ ଉପଲକ୍ଷେ ପୂର୍ବାହ୍ନ ସାଢେ ଏଗାରଟାରୁ ସମସ୍ତ ମେଢ଼ ନିଜ ଆସ୍ଥାନରୁ ନିଆଯାଇ ସୁସଜିତ ଗାଡ଼ିରେ ରଖିବା ପରେ ଶୋଭାଯାତ୍ରା ବାହାରିଥିଲେ l ପ୍ରଥମେ ମୁଣ୍ଡିଦେଉଳି ବଜ଼ାର ଶୋଭାଯାତ୍ରାରେ ବାହାରି ସାହି ପରିକ୍ରମା ପରେ ହନୁମାନ ବଜାରଠାରେ ପହଞ୍ଚିଥିଲା l ପରେ ସମସ୍ତ ମେଢ଼ ହନୁମାନ ବଜ଼ାର ଠାରେ ପହଂଚିଥିଲେ l

ସହରରେ ଅନୁଷ୍ଠିତ ପନ୍ଦର ଗୋଟି ମେଢ଼ ସେଠାରୁ କ୍ରମାନ୍ଵୟ ରେ ଏକ ପ୍ରସେସନରେ ବାହାରି ସହର ପରିକ୍ରମା କରିଥିଲା l ଝିପି ଝିପି ବର୍ଷାରେ ସମସ୍ତ ମେଢ଼ ସହର ପରିକ୍ରମା କରିବା ପରେ ବିଦ୍ୟୁତ ଛକ ଦେଇ ରେଙ୍ଗାଳି ପଡିଆ ଠାରେ ଏକତ୍ରିତ ହୋଇଥିଲେ l ସେଠାରେ ଅନୁଷ୍ଠିତ ରାବଣ ପୋଡି ଉଛବ ସଂମ୍ପର୍ଣ୍ଣ ପରେ ସମସ୍ତ ମେଢ଼ ରାମିୟାଳ ନଦୀ ତଟରେ ନିର୍ମାଣ କରାଯାଇଥିବା କୃତିମ ପୋଖରୀରେ ବିସର୍ଜନ କରାଯାଇଛି l ଲଘୁଚାପ ଜନିତ ଝିପି ଝିପି ବର୍ଷାରେ ମଧ୍ୟଗ୍ରାମାଞ୍ଚଳରୁ ଆସିଥିବା ଲୋକମାନଙ୍କର ଜନସମାଗମ ଲାଗିରହିଥିଲା l