ଚୌଦ୍ୱାର : ଓଟିଏମ୍ କଲୋନୀସ୍ଥିତ ବାବା ବୈକୁଣ୍ଠନାଥ ବ୍ରହ୍ମଚାରୀ ଆଶ୍ରମରେ ଭାଗବତ ସପ୍ତାହ ପାରାୟଣ, ପ୍ରବଚନ ଓ ଗୀତାଜ୍ଞାନ ଯଜ୍ଞ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଏହି ଉପଲକ୍ଷେ କଳସ ଯାତ୍ରା, ଅଧିବାସ, ଗୁରୁ ବନ୍ଦନା ଆଦି ବହୁବିଧ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଚୌଦ୍ୱାରର ବାବା ବୈକୁଣ୍ଠନାଥ ଭାଗବତ ପ୍ରଚାର ସମିତି ଆନୁକୁଲ୍ୟରେ ସତ୍ୟନାରାୟଣ ପଡ଼ିଆରେ ଗତ ୩ତାରିଖରୁ ଆରମ୍ଭ ହୋଇ ଦୀର୍ଘ ନବଦିନ ବ୍ୟାପି ଅନୁଷ୍ଠିତ ଏହି ଆଧ୍ୟାତ୍ମିକ କାର୍ଯ୍ୟକ୍ରମରେ ବାବା ବୈକୁଣ୍ଠନାଥଙ୍କ ପରମ ଶିଷ୍ୟ ବ୍ରହ୍ମଚାରୀ ସତ୍ୟାନନ୍ଦ ଦାସ ଯୋଗଦେଇ ଶ୍ରୀମଦ୍ ଭାଗବତ ସମ୍ପର୍କରେ ଆଲୋଚନା କରିବା ସହିତ ଭାଗବତ କଥାବସ୍ତୁ ଉପରେ ପ୍ରବଚନ ପ୍ରଦାନ କରିଥିଲେ । କୁନି ପ୍ରବାଚକ କେଶବ ଦାସ ଦ୍ୟୁତିକୃଷ୍ଣଙ୍କ ପ୍ରବଚନ ଶୁଣିବା ପାଇଁବହୁ ଜନ ସମାଗମ ହୋଇଥିବା ଦେଖିବାକୁ ମିଳିଥିଲା । ଆୟୋଜକ କମିଟି ସଭାପତି କୃଷ୍ଣଚନ୍ଦ୍ର ମହାନ୍ତି, ସଯୋଜକ ସନ୍ତୋଷ କୁମାର ଧର, ସମ୍ପାଦକ ରାଜ କିଶୋର ସାମନ୍ତ, ସଚ୍ଚିଦାନନ୍ଦ ପାଲ ପ୍ରମୁଖ କର୍ମକର୍ତ୍ତା କାର୍ଯ୍ୟକ୍ରମ ପରିଚାଳନା କରିଥିଲେ।
Comments are closed.