ଦୋବଲ : ଭଦ୍ରକ ଜିଲ୍ଲା ଧୁଷୁରୀ ଥାନା ଅନ୍ତର୍ଗତ କୋଠାର ଗ୍ରାମର ବିଦ୍ୟାଧର ବେହେରାଙ୍କ ବଡ଼ ପୁଅ ସନାତନ ବେହେରା(୨୨) ବେକରେ ରସି ଲଗାଇ ଆତ୍ମହତ୍ୟା କରିଥିବା ଜଣାଯାଇଛି। ତେବେ ଜମିଜମା କାରଣରୁ ସେ ଆତ୍ମହତ୍ୟା କରିଥିବା କୁହାଯାଉଛି।
ଖବର ନେବାରୁ ଜଣାଯାଏ କୋଠାର ଗ୍ରାମର ଯୁବକ ସନାତନ ଅନ୍ୟ ରାଜ୍ୟରେ ରହି କାମ କରୁଥିଲେ। କିଛି ଦିନ ତଳେ ଘରକୁ ଆସି ଥିଲେ। ତେବେ ଶନିବାର ତାଙ୍କର ଚାଳଘରଟି ଛଣ ଛପର ଚାଲିଥିବା ବେଳେ ବଡ଼ ବାପାଙ୍କ ଘର ସହିତ ଲାଗି ରହିଥିବା ଜମିଜମା ଭାଗବଣ୍ଟାକୁ ନେଇ ଝଗଡା ହୋଇଥିଲା। ଏହାକୁ ଆଧାର କରି ସନାତନ ସେହି ଘର ଭିତରେ ବେକରେ ରସି ଲଗାଇ ଝୁଲି ପଡିଥିଲେ। ପରିବାର ଲୋକେ ଉଦ୍ଧାର କରି ଭଦ୍ରକ ମେଡିକାଲକୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଏହାକୁ ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି।
Comments are closed.