ବେଙ୍ଗାଲୁରୁ : ସ୍ଥାନୀୟ କେଆର ସର୍କଲସ୍ଥିତ ଏକ ଭୂତଳ ରାସ୍ତା (ଅଣ୍ଡରପାସ୍)ରେ ଏକ କାର୍ ବୁଡିଯିବାରୁ ସେଥିରେ ଥିବା ଜଣେ ଯନ୍ତ୍ରୀଙ୍କର ମୃତ୍ୟୁ ହୋଇଛି। ମୃତ ଯନ୍ତ୍ରୀ ହେଉଛନ୍ତି ଭାନୁରେଖା। ସେ ଇନଫୋସିସ୍ରେ କାର୍ଯ୍ୟ କରୁଥିଲେ। ଭାନୁରେଖା ନିଜେ କାର୍ ଚଳାଇ ଯାଉଥିବାବେଳେ ଅଣ୍ଡରପାସ୍ରେ ଜମା ହୋଇଥିବା ପାଣିରେ ଏହା ବୁଡି ଯାଇଥିଲା। ଫଳରେ ସେ କାରରୁ ବାହାରି ନପାରି ପ୍ରାଣ ହରାଇଥିଲେ। ମୃତ ଭାନୁରେଖାଙ୍କ ଘର ଆନ୍ଧ୍ରପ୍ରଦେଶର ବିଜୟୱାଡା। ସେ ପରିବାର ସହିତ ବେଙ୍ଗାଲୁରୁ ଆସିଥିଲେ। ଏକ କାର୍ ଭଡା କରି ସେମାନେ ସହରରେ ବୁଲାବୁଲି କରୁଥିବାବେଳେ ଏପରି ଅଘଟଣ ଘଟିଛି। ମୁଖ୍ୟମନ୍ତ୍ରୀ ସିଦ୍ଧରମୈୟା ଡାକ୍ତରଖାନା ଯାଇ ପୀଡିତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ସେ ପୀଡିତାଙ୍କ ପରିବାରକୁ ସମବେଦନା ଜଣାଇବା ସହିତ ୫ଲକ୍ଷ ଟଙ୍କା ଅନୁକମ୍ପା ରାଶି ଘୋଷଣା କରିଛନ୍ତି। ରବିବାର ବେଙ୍ଗାଲୁରରେ ପ୍ରବଳ ବର୍ଷା ହେବା ସହିତ ବିଭିନ୍ନ ସ୍ଥାନରେ ଜଳବନ୍ଦୀ ସମସ୍ୟା ଦେଖାଯାଇଥିଲା।
Comments are closed.