ନୂଆଦିଲ୍ଲୀ : କୁହାଯାଏ ଜଙ୍ଗଲୀ ଜୀବଜନ୍ତୁଙ୍କୁ ହଇରାଣ ନକରି ଦୂରତା ରକ୍ଷା କରିବା ଉଚିତ୍ । ମାତ୍ର ଅନେକ ସମୟରେ କିଛି ଲୋକେ ଜଙ୍ଗଲୀ ଜୀବଜନ୍ତୁଙ୍କୁ ନିକଟରେ ଦେଖିବାକୁ ପସନ୍ଦ କରି ଥାଆନ୍ତି। ଏଥିପାଇଁ ଜଙ୍ଗଲ ସଫାରୀ ସହ ପ୍ରାଣୀ ଉଦ୍ୟାନ ଯାଇ ଥାଆନ୍ତି । ସେହିପରି ସର୍କସରେ ମଧ୍ୟ ଜଙ୍ଗଲୀ ଜୀବଜନ୍ତୁଙ୍କୁ ପୋଷା କରି ବିଭିନ୍ନ ଖେଳ ଦେଖାଇ ଥାଆନ୍ତି । ମାତ୍ର ଲୋକଙ୍କୁ ନିକଟରୁ ଏହି ଖେଳ ଦେଖାଇବା ସହ ସର୍କସକୁ ଯିବା ପୂର୍ବରୁ ସେମାନଙ୍କୁ ପର୍ଯ୍ୟାପ୍ତ ତାଲିମ ପ୍ରଦାନ କରାଯାଇଥାଏ । ସର୍କସରେ ଦେଖାଯାଉଥିବା ଅନେକ ଖେଳ ଦେଖି ଲୋକେ ଆଶ୍ଚର୍ଯ୍ୟ ହେବା ସହ ପସନ୍ଦ ମଧ୍ୟ କରି ଥାଆନ୍ତି । ଅନେକ ସମୟରେ ଏହା ଲୋକଙ୍କ ହୃଦୟକୁ ମଧ୍ୟ ଛୁଇଁ ଥାଏ । ଅନେକ ସମୟରେ ଭୟଙ୍କର ମଧ୍ୟ ହୋଇଥାଏ । ମାତ୍ର ମାଷ୍ଟରଙ୍କ ଉପରେ ଏହି ବନ୍ୟଜନ୍ତୁ ଆକ୍ରମଣ କରୁ ଥିବା ମଧ୍ୟ ଦେଖାଯାଏ । ଖେଳ ମଝିରେ ହଠାତ୍ ବନ୍ୟ ଜନ୍ତୁ ରାଗି ଯାଇ ନିଜ ମାଷ୍ଟର ଉପରେ ଆକ୍ରମଣ କରି ଥାଆନ୍ତି। ନିକଟରେ ଏଭଳି ହିଁ ଏକ ଭିଡିଓ ଭାଇରାଲ ହେଉଛି।
Circus handler attacked by bear
pic.twitter.com/oGzJiithnc— Restricted Vids (@RestrictedVids) July 20, 2024
ଭାଇରାଲ ଭିଡିଓରେ ଦେଖି ପାରିବେ, ଥକି ଯାଇଥିବା ଏକ ଭାଲୁ ରାଗି ଯାଇ ହଠାତ୍ ସର୍କସ ମଝିରେ ନିଜ ମାଷ୍ଟର ଉପରେ ଆକ୍ରମଣ କରୁଛି । ସେଠାରେ ଉପସ୍ଥିତ ଲୋକେ ଭାଲୁର ଏଭଳି ବ୍ୟବହାର ଦେଖି ଆଶ୍ଚର୍ଯ୍ୟ ସହ ଭୟଭୀତ ହୋଇ ଯାଇଥିଲେ । ସର୍କସ ଖେଳ ନିକଟରେ ଥିବା ଅନ୍ୟ ସହଯୋଗୀ ମାନେ ଭାଲୁ ଠାରୁ ମାଷ୍ଟରକୁ ରକ୍ଷା କରିବାକୁ ଦୌଡିଥିଲେ ।
ଭିଡିଓରେ ଦେଖିପାରିବେ ପ୍ରଥମେ ସର୍କସରେ ସବୁକିଛି ଠିକ୍ ଥିଲା । ମାତ୍ର ହଠାତ୍ ଖେଳ ଦେଖାଇବା ସମୟରେ ଭାଲୁଟି ଖୁବ୍ ଜୋରରେ ରାଗି ଯାଇଥିଲା। ଭିଡିଓକୁ ଦେଖି ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି।
