ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି ଯାହାକୁ ଦେଖିଲେ ଆପଣଙ୍କର ଭାଲୁ ସମ୍ପର୍କରେ ଥିବା ଭ୍ରମ ଦୂର ହୋଇପାରେ । ଯଦି ଆପଣ ଭାବୁଥାନ୍ତି ଯେ ଭାଲୁ ଗଛ ଚଢିପାରିବନି ତେବେ ଆପଣ ଥରେ ଏହି ଭିଡିଓ ଦେଖିବା ଉଚିତ୍ । ଆଇଏଫଏସ୍ ଅଧିକାରୀ ପରବିନ୍ କାସଓ୍ବାନ୍ ଏକ ଭିଡିଓ ସେୟାର କରିଛନ୍ତି । ଏକ୍ସରେ ସେୟାର ହୋଇଥିବା ଏହି ଭିଡିଓରେ ଏକ ହିମାଚଳ କଳା ଭାଲୁ ଓ ତା ଛୁଆ ଏକ ଉଚ୍ଚ ଗଛରୁ ତଳକୁ ଓହ୍ଲାଉଛନ୍ତି ।
You all must have heard story how a friend saved his life from Bear by climbing a tree. Here a Himalayan Black Bear mother and cub showing how our childhood was a lie !! Captured this yesterday. pic.twitter.com/15pLH1D6HX
— Parveen Kaswan, IFS (@ParveenKaswan) May 9, 2024
ଲୋକକଥାଠୁ ସମ୍ପୂର୍ଣ୍ଣ ବିପରୀତ ଏହି ଭିଡିଓଟି । ସାଧାରଣତଃ ଆପଣ ଅନେକ କାହାଣୀରେ ଶୁଣିଥିବେ ବା ଜାଣିଥିବେ କି ଭାଲୁ ଗଛ ଚଢିପାରେନି । କିନ୍ତୁ ଏଥିରେ ଭାଲୁ ଏକ ସୁନ୍ଦର ଗଛ ଚଢାଳୀ ଭଳି ଗଛରୁ ଓହ୍ଲାଉଛି । ଏହି ଭିଡିଓ ସମସ୍ତଙ୍କୁ ଚକିତ କରୁଛି ।
ନୂଆ ନିୟମ: ଖାଲି ପଡ଼ିଆ ନୁହେଁ, ରାସ୍ତାରେ ଦେବାକୁ ହେବ ଡ୍ରାଇଭିଂ ଟେଷ୍ଟ ! ନଚେତ୍ ମିଳିବନି ଲାଇସେନ୍ସ
ଭିଡିଓଟି ଏବେ ଇଣ୍ଟରନେଟରେ ଭାଇରାଲ ହେବାରେ ଲାଗିଛି । ଏଥିରେ ଭିନ୍ନ ଭିନ୍ନ ପ୍ରତିକ୍ରିୟା ଦେଖିବାକୁ ମିଳୁଛି । ସମସ୍ତେ ଏହାକୁ ସେୟାର କରୁଛନ୍ତି । ପ୍ରାୟ ୨୬ ହଜାରରୁ ଅଧିକ ଲୋକ ଏହାକୁ ଦେଖିସାରିଲେଣି । ତେବେ ଆପଣ ଏହାକୁ ଦେଖନ୍ତୁ ଏବଂ ମନେ ରଖନ୍ତୁ ଯେ ଭାଲୁ ମଧ୍ୟ ଗଛ ଚଢିପାରେ । ନଚେତ୍ ଯଦି ଆପଣ କେବେ ଜଙ୍ଗଲରେ ଭାଲୁ ହାବୁଡରେ ପଡିଲେ ରକ୍ଷା ପାଇବା ପାଇଁ ଗଛରେ ଚଢିଯିବେ ହୁଏତ ତା ପରେ ଭାଲୁ ମଧ୍ୟ ଆପଣଙ୍କ ପଛେ ପଛେ ଗଛକୁ ଚଢିଯାଇପାରେ ଏବଂ ଆପଣଙ୍କୁ ଆକ୍ରମଣ କରିପାରେ ।
