ଭୁବନେଶ୍ୱର : ଜଳୁଛି ରାଜଧାନୀ। ଶୁକ୍ରବାର ଦିନ ସାଢେ ୨ଟା ସୁଦ୍ଧା ୪୪ ଡିଗ୍ରୀ ଛୁଇଁଥିବା ରେକର୍ଡ କରାଯାଇଛି। ନିଆଁ ବର୍ଷା ହେବା ଭଳି ରାଜଧାନୀବାସୀ ଅନୁଭବ କରୁଛନ୍ତି। ଆଜି ସର୍ବାଧିକ ତାପମାତ୍ରା ରେକର୍ଡ କରାଯାଇଥିବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି। ସକାଳ ସାଢେ ୧୧ଟା ସୁଦ୍ଧା ୩୯.୮ ଡିଗ୍ରୀ ରେକର୍ଡ କରାଯାଇଛି। ରାଜଧାନୀରେ ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିଥିବା ବେଳେ କିଛି ସମୟରେ ତାପମାତ୍ରା ଆହୁରି ବୃଦ୍ଧି ହୋଇପାରେ। ଶନିବାର ତାପମାତ୍ରା ବୃଦ୍ଧି ପାଇବାର ସମ୍ଭାବନା ରହିଛି। ମେଘମୁକ୍ତ ଆକାଶ ସହ ବାୟୁମଣ୍ଡଳରେ ଶୁଷ୍କତା ବଢୁଛି।
ଆଜି ଦିନ ୨ଟା ୩୦ ସୁଦ୍ଧା ରେକର୍ଡ ତାପମାତ୍ରା
ଭୁବନେଶ୍ୱର : ୪୩.୨°C
ସମ୍ବଲପୁର: ୪୦.୮°C
ହୀରାକୁଦ: ୪୦.୬°C
ଚାନ୍ଦବାଲି: ୪୦.୬°C
ଝାରସୁଗୁଡା: ୪୦.୨°C
ରାଉରକେଲା: ୩୯.୬°C
କେନ୍ଦୁଝର: ୩୯°C
ବାଲେଶ୍ୱର: ୩୭.୮°C
ପୁରୀ: ୩୩°C
ଗୋପାଳପୁର: ୩୨.୨°C
ପାରାଦୀପ: ୩୨°C— Meteorological Centre, Bhubaneswar (@mcbbsr) April 5, 2024
ଶନିବାର ଯାଏଁ ୧୪ ଜିଲାକୁ ହିଟ୍ ୱେଭ୍ ପାଇଁ ୱାର୍ଣ୍ଣିଂ ଜାରି କରାଯାଇଛି। ଖୋର୍ଦ୍ଧା, କଟକ, ବୌଦ୍ଧ, ମାଲକାନଗିରି, କେନ୍ଦୁଝର, ନୟାଗଡ, ଅନୁଗୁଳ, ବଲାଙ୍ଗୀର, କନ୍ଧମାଳ, ବାଲେଶ୍ୱର, ଭଦ୍ରକ, ଯାଜପୁର, ମୟୁରଭଞ୍ଜ, ଝାରସୁଗୁଡାକୁ ହିଟ୍ ୱେଭ୍ ପାଇଁ ୱାର୍ଣ୍ଣିଂ ଜାରି କରାଯାଇଛି।
