ଶ୍ରୀ ଲିଙ୍ଗରାଜଙ୍କ ନୀତିକାନ୍ତିରେ ପୁଣି ବିଭ୍ରାଟ, ମଙ୍ଗଳ ଆଳତି ପରଠାରୁ ବନ୍ଦ ରହିଛି ନୀତିକାନ୍ତି

ଭୁବନେଶ୍ୱର : ମହାପ୍ରଭୁ ଶ୍ରୀ ଲିଙ୍ଗରାଜଙ୍କ ନୀତିକାନ୍ତିରେ ପୁଣି ଥରେ ବିଭ୍ରାଟ ଦେଖାଦେଇଛି। ଆଜି ଶ୍ରୀ ଲିଙ୍ଗରାଜ ମହାପ୍ରଭୁଙ୍କ ନୀତି ବନ୍ଦ ରହିଛି। ବ୍ରାହ୍ମଣ ନିୟୋଗ ଓ ପୂଜାପଣ୍ଡାଙ୍କ ପକ୍ଷରୁ ନୀତିକାନ୍ତି ବନ୍ଦ ରଖାଯାଇଛି। ବେବନ୍ଦୋବସ୍ତ ଜମି ବିବାଦକୁ ନେଇ ନୀତି ବନ୍ଦ ରଖାଯାଇଛି। ଗଙ୍ଗୁଆ କୂଳରେ ଥିବା ଲିଙ୍ଗରାଜ ଜମିକୁ ଏକ ସେବାୟତ ନିଯୋଗ ଦଖଲ କରିବା ପ୍ରତିବାଦରେ ବ୍ରାହ୍ମଣ ଓ ପୂଜାପଣ୍ଡା ନିଯୋଗ ପକ୍ଷରୁ ନୀତି ବନ୍ଦ କରାଯାଇଛି। ଆଜି ମନ୍ଦିର ଖୋଲିଥିଲେ ମଧ୍ୟ ମଙ୍ଗଳ ଆଳତି ଓ ଅବକାଶ ନୀତି କରାଯାଇ ନାହିଁ, ମଙ୍ଗଳ ଆଳତି ପରଠାରୁ ନୀତିକାନ୍ତି ବନ୍ଦ ରହିଛି ।