ଉତ୍ତରଭୁବନେଶ୍ୱର : ଜଣେ ଡେଲିଭରି ବୟଙ୍କ ଡେଲିଭରି ସାମଗ୍ରୀକୁ ଦିନ ଦ୍ୱିପ୍ରହରରେ ଚୋରି କରି ନେଇଥିବା ଥାନାରେ ଅଭିଯୋଗ ହୋଇଛି। ଘଟଣାଟି ସହିଦନଗର ଥାନା ଅଞ୍ଚଳରେ ଘଟିଛି। ସେହି ଘଟଣାରେ ସମ୍ପୃକ୍ତ ଚୋରକୁ ପୁଲିସ ଗିରଫ କରି ଅଦାଲତ ଚାଲାଣ କରିଛି। ତା’ଠାରୁ ସମସ୍ତ ଚୋରି ସାମଗ୍ରୀ ଜବତ କରାଯାଇଛି। ଗିରଫ ଅଭିଯୁକ୍ତ ହେଲା ଖାରବେଳନଗର ଥାନା ସୁଧାନିଧିଶ୍ୱର ବସ୍ତି ୟୁନିଟ୍-୯ର ଆଲୋକ ରଣଜିତ।
ପୁଲିସ ସୂଚନା ଅନୁସାରେ, ବୁଧବାର ଅପରାହ୍ଣରେ ଅଭିଯୋଗକାରୀ ଦୀପକ ମହାପାତ୍ର ପ୍ରାୟ ୯୦ହଜାର ଟଙ୍କାର ୪୪ଟି ସାମଗ୍ରୀ ଧରି ବାୟାବାବା ମଠ ଲେନକୁ ଯାଇଥିଲେ। ସେହି ଅଞ୍ଚଳର ଜଣେ ବ୍ୟକ୍ତିଙ୍କ ସାମଗ୍ରୀ ଦେବାକୁ ତାଙ୍କ ଘର ପାଖରେ ଗାଡ଼ି ଓ ସାମଗ୍ରୀ ରଖି ଉପରତାଲାକୁ ଯାଇଥିଲେ। ସେତିକିବେଳେ ସେହି ରାସ୍ତାରେ ଯାଉଥିବା ଆଲୋକ ଏକ କାର୍ରେ ସାମଗ୍ରୀଗୁଡ଼ିକୁ ନେଇ ପଳାଇଥିଲା। ଡେଲିଭରି ବୟ ଦୀପକ ତଳକୁ ଫେରିଲା ବେଳକୁ ସାମଗ୍ରୀ ନଥିବା ଦେଖି ଆଶ୍ଚର୍ୟ୍ୟ ହୋଇଥିଲେ। ସେ ଏ ସଂକ୍ରାନ୍ତରେ ସହିଦନଗର ଥାନାରେ ଏକ ଅଭିଯୋଗ କରିଥିଲେ। ପୁଲିସ ସେହି ଅଞ୍ଚଳର କିଛି ସିସିଟିଭି ଫୁଟେଜ ଯାଞ୍ଚ କରିବା ପରେ କାର୍ର ନମ୍ବରରୁ ଅଭିଯୁକ୍ତକୁ କାବୁ କରିଥିଲା।
Comments are closed.