ଭୁବନେଶ୍ଵର: ଚାହୁଁ ଚାହୁଁ ଜଳିଗଲା ଡାଲି ବୋଝେଇ ଟ୍ରକ୍। ଭୁବନେଶ୍ଵର ଉପକଣ୍ଠ ବାଲିପାଟଣା ଥାନା ଅମଣାକୁଦ ଛକ ନିକଟରେ ଅଘଟଣ ଘଟିଛି। ରାୟପୁରରୁ ଡାଲି ନେଇ କୋଣାର୍କ ଯାଉଥିବା ସମୟରେ ସୋମବାର ବିଳମ୍ବିତ ରାତିରେ ହୁତ୍ ହୁତ୍ ହୋଇ ଡାଲି ବୋଝେଇ ଟ୍ରକ୍ ଜଳିଯାଇଛି। ଗାଡିର ପଛ ପଟୁ ନିଆଁ ଲାଗିଥିବା ଜାଣିବାକୁ ପାଇ ଡ୍ରାଇଭର ଜଣକ ଗାଡିଟିକୁ ରାସ୍ତାକଡରେ ରଖିଦେଇଥିଲେ। ଗାଡିରେ ଥିବା ଲକ୍ଷାଧିକ ଟଙ୍କାର ଡାଲି ସହ ଗାଡିଟି ଜଳିଯାଇଛି। ପରେ ଅଡଶପୁର-ନିଆଳି ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି। ରାସ୍ତାକଡରେ ଅଗ୍ନିକାଣ୍ଡ ଘଟିଥିବାରୁ ଯାଆ ଆସ କିଛି ସମୟ ପାଇଁ ବାଧାପ୍ରାପ୍ତ ହୋଇଥିଲା। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି। ଯାନ୍ତ୍ରିକ ତ୍ରୁଟି ପାଇଁ ଏପରି ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି।
Comments are closed.