ଭୁବନେଶ୍ବର : ନେପାଳର କାଠମାଣ୍ଡୁ ଓ ପୋଖରାରେ ଆରମ୍ଭ ହୋଇଛି ୧୩ତମ ଦକ୍ଷିଣ ଏସୀୟ କ୍ରୀଡ଼ା। ଉକ୍ତ ପ୍ରତିଯୋଗିତାରେ ଅଂଶଗ୍ରହଣ କରିବା ଲାଗି ଭାରତୀୟ ପୁରୁଷ ଓ ମହିଳା ଦଳରେ ଓଡ଼ିଶାରୁ ୨ ଜଣ ଖେଳାଳି ସାମିଲ ହୋଇଛନ୍ତି। ପୁରୁଷ ଦଳରେ ସତ୍ୟଜିତ ସିଂହ ଓ ମହିଳା ଦଳରେ ସସ୍ମିତା ନାଥଶର୍ମା ସ୍ଥାନ ପାଇଛନ୍ତି। ଭାରତୀୟ ଦଳ ମନୋନୟନ ଲାଗି ଦିଲ୍ଲୀର ଜବାହରଲାଲ ନେହରୁ ଷ୍ଟାଡ଼ିୟମରେ ସମ୍ଭାବ୍ୟ ଶିବିର ଆୟୋଜିତ ହୋଇଥିଲା। ଏଥିରୁ ଖେଳାଳିଙ୍କ ପ୍ରଦର୍ଶନକୁ ଆଧାରକରି ଚୂଡାନ୍ତ ଦଳ ମନୋନୟନ କରାଯାଇଛି। ଭାରତୀୟ ଦଳ ରବିବାର କାଠମାଣ୍ଡୁ ଯାତ୍ରାକରିଛି। ସସ୍ମିତା ଓ ସତ୍ୟଜିତଙ୍କୁ ଓଡ଼ିଶା ଖୋଖୋ ଆସୋସିଏସନ ସମ୍ପାଦକ ପ୍ରଦ୍ୟୁମ୍ନ ମିଶ୍ର, ସଭାପତି ନାରାୟଣ ପାତ୍ର, କ୍ରୀଡ଼ା ମନ୍ତ୍ରୀ ତୁଷାରକାନ୍ତି ବେହେରା, କ୍ରୀଡ଼ା ସଚିବ ବିଶାଳ ଦେବ, ନିର୍ଦେଶକ ଆର. ଭିନିଲ କ୍ରିଷ୍ଣା, ମୁଖ୍ୟ ଉପଦେଷ୍ଟା ଆଶୀର୍ବାଦ ବେହେରା ପ୍ରମୁଖ ଶୁଭେଚ୍ଛା ଜଣାଇଛନ୍ତି।
Popular Categories
Previous article
Next article