ଭୁବନେଶ୍ୱର: ଜୁଲାଇରେ ଭାରତୀୟ ବ୍ୟାଙ୍କ ସଂଘ (ଆଇବିଏ) ପକ୍ଷରୁ ସମ୍ପାଦିତ ବେତନ ନିର୍ଦ୍ଧାରଣ ରାଜିନାମାକୁ ଅଲ ଓଡିଶା ବ୍ୟାଙ୍କ ଏମ୍ପ୍ଲଇଜ ଫେଡରେସନ (ଏଓବିଇଏଫ) ବିରୋଧ କରିଛି । ଜୁଲାଇରେ ଆଇବିଏ ଏବଂ ୟୁଏଫବିୟୁ ମଧ୍ୟରେ ବ୍ୟାଙ୍କ କର୍ମଚାରୀଙ୍କ ୧୧ତମ ମଜୁରି ନିର୍ଦ୍ଧାରଣ ରାଜିନାମା ସ୍ଵାକ୍ଷର କରାଯାଇଥିଲା । ଦଶମ ରାଜିନାମା ସମୟରେ କର୍ମଚାରୀମାନେ ବେତନରେ ୨୫% ବୃଦ୍ଧି ଦାବି କରିଥିବାବେଳେ ଆଇବିଏ ୧୫% ମଞ୍ଜୁରି ଦେଇଥିଲା । ୧୧ତମ ରାଜିନାମାବେଳେ କର୍ମଚାରୀମାନେ ବେତନରେ ୩୫% ବୃଦ୍ଧି ଦାବି କରିଥିବାବେଳେ ଆଇବିଏ ସେହି ୧୫% ବୃଦ୍ଧି ମଞ୍ଜୁରି ଦେଇଛି । ତେଣୁ ଏହାକୁ ବିରୋଧ କରି ଏଓବିଇଏଫର ସର୍ବଭାରତୀୟ ସଂଗଠନ ବେଫି ରାଜିନାମା ସମୟରେ ବୈଠକରୁ ଉଠିଯାଇଥିଲା । ଏହି ଅନୁକ୍ରମରେ ଆଇବିଏର ଏତାଦୃଶ୍ୟ ଆଚରଣକୁ ବିରୋଧ କରି ଏଓବିଇଏଫ ପକ୍ଷରୁ ସ୍ଥାନୀୟ ମାଷ୍ଟର କ୍ୟାଣ୍ଟିନଠାରେ ଶୁକ୍ରବାର ସନ୍ଧ୍ୟାରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଯାଇଛି । ଏହାଛଡା ଆଇବିଏ ସ୍ପେସିଆଲ ପେ ମରଜ଼ର, ୫ ଦିନିଆ କାର୍ୟ୍ୟ ଦିବସ, ନୂତନ ପେନସନ ଯୋଜନାକୁ ବାତିଲ କରି ପୁରୁଣା ପେନସନ ଯୋଜନା ଲାଗୁ କରିବା ଭଳି କର୍ମଚାରୀଙ୍କ ପକ୍ଷରୁ ରଖାଯାଇଥିବା ସବୁ ଦାବିକୁ ପ୍ରତ୍ୟାଖ୍ୟାନ କରିଛି । ପ୍ରତିବାଦ ସଭାରେ ଏଓବିଇଏଫର ସଭାପତି ସୁଶୀଲ ଗିରି, ସାଧାରଣ ସମ୍ପାଦକ ପ୍ରକାଶ ରାୟ, ଉପସାଧାରଣ ସମ୍ପାଦକ ଅଜୟ ମହାନ୍ତି ଏବଂ ପ୍ରଭାସ ଷଣ୍ଢ ପ୍ରମୁଖ ପ୍ଲାକାର୍ଡ, ବ୍ୟାନର ଓ ପୋଷ୍ଟର ସହ ଉପସ୍ଥିତ ରହି ମ୍ୟାନେଜମେଣ୍ଟ ବିରୋଧୀ ସ୍ଲୋଗାନମାନ ଦେଇଥିଲେ
Popular Categories
Previous article
Next article