ଧାମରା: ବାଂଶଡା ଥାନାଧିକାରୀଙ୍କ ଦ୍ୱାରା ଏକ କୋଇଲା ବୋଝେଇ ପିକଅପ ସହ ଗାଡିର ଚାଳକ ଗିରଫ ହୋଇଛନ୍ତି। ପ୍ରାପ୍ତ ଖବର ଅନୁଯାୟୀ ଗତ କାଲି ବିଳମ୍ବିତ ରାତିରେ ବାଂଶଡା ଥାନା ଅଧିନସ୍ଥ ମାଣିପୁର ଠାରେ ୧୦ରୁ ଅଧିକ ଗାଡିରେ କୋଇଲା ବୋଝେଇ ହୋଇ ଚୋରା ଚାଲାଣ ହେଉଥିବା ଖବର ବାଂଶଡା ଥାନାଧିକାରୀଙ୍କ ନିକଟରେ ପହଂଚିଥିଲା।
ବାଂଶଡା ଥାନାଧିକାରୀ ଜଣେ ଷ୍ଟାଫଙ୍କୁ ନେଇ ଅତର୍କିତ ଚଢାଉ କରିବାକୁ ଯାଉଥିବା ବେଳେ କୌଣସି ସୂତ୍ରରୁ ଖବର ପାଇ ବହୁ ଚାରି ଚକିଆ ଗାଡି ଗୁଡିକ କୋଇଲାକୁ ବୋଝେଇ ହେଉଥିବା ସ୍ଥାନରେ ଢାଳି ଦେଇ ଫେରାର ହୋଇ ଯାଇଥିଲେ। ବାଂଶଡା ଥାନାଧିକାରୀ ମାଣିପୁର ଠାରେ ପହଂଚିବା ବେଳେ ସେହି ସ୍ଥାନରେ ୫୦ରୁ ଅଧିକ ବସ୍ତାରେ କୋଇଲା ବୋଝେଇ ହୋଇ ଚୋରା ଚାଲାଣ ହେଉଥିବା ବେଳେ ସଂପୃକ୍ତ ଗାଡି ଚାଳକକୁ ଧରିବା ସହ ଜବତ ହୋଇଥିବା ପିକଅପକୁ ନେଇ ଥାନାକୁ ଆସିଥିଲେ। ଆଜି ଗିରଫ ହୋଇଥିବା ଗାଡି ଚାଳକ ସାରୁକ ସାହା(୩୦)କୁ କୋର୍ଟ ଚାଲାଣ କରିଥିବା ବେଳେ କେଉଁ ସୂତ୍ରରେ ବାଂଶଡା ଥାନାଧିକାରି ଚୋରା ମାଫିଆଙ୍କୁ ଧରିବାକୁ ଯାଉଥିବା ସମୟରେ, ଏହି କଥା ବାହାର ଲୋକଙ୍କୁ ଅବଗତ ନଥିବା ବେଳେ ଥାନାରୁ ଏହି କଥା କିପରି କୋଇଲା ମାଫିଆଙ୍କୁ ପାଖକୁ ଯାଉଛି ତାହା ତଦନ୍ତ ସାପେକ୍ଷ ହୋଇ ପଡିଛି। ଏହାଦ୍ୱାରା ଥାନା ଷ୍ଟାଫ ଜାଣିଶୁଣି ଥାନାର ଭିତରି କଥା ସବୁ ପଦାରେ ପକାଉଥିବା ଅନୁମେୟ।
Comments are closed.