କଳାପଥର (ବାଙ୍କୀ ) : ବରିଷ୍ଠ ନାଗରିକମାନଙ୍କୁ କିଭଳି ସୁରକ୍ଷା ଓ ତାଙ୍କର ବୃଦ୍ଧ ଅବସ୍ଥାରେ ଘଟୁଥିବା ସମସ୍ୟାର ନିରାକରଣ ସମ୍ପର୍କିତ ବାଙ୍କୀ ଜନ କଲ୍ୟାଣ ବରିଷ୍ଠ ନାଗରିକ ସଂଘ ପକ୍ଷରୁ ଏକ ଦିବସୀୟ ସମ୍ମିଳନୀ ବାଙ୍କି ବ୍ଲକ୍ କେନ୍ଦୂପଲ୍ଲି ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଅନୁଷ୍ଠିତ ହୋଇଯାଇଛି । ପ୍ରାୟ ଛଅ ଶହ ଜଣ ବରିଷ୍ଠ ନାଗରିକଙ୍କ ଉପସ୍ଥିତରେ ସଂଘର ସଭାପତି ନୃସିଂହ ଚରଣ ପ୍ରଧାନଙ୍କ ପୌରହିତ୍ୟରେ ଅନୁଷ୍ଠିତ ସଭାରେ ସମ୍ପାଦକ ବିପିନ ବିହାରୀ ମହାନ୍ତି ସ୍ଵାଗତ ଭାଷଣ ଦେଇଥିଲେ । କେଶବ ଚନ୍ଦ୍ର ବେହେରା ପ୍ରାରମ୍ଭିକ ଭାଷଣ ଦେଇଥିଲେ । ଏହି ସଭାରେ ମୁଖ୍ୟ ଅତିଥି ଭାବେ କାହ୍ନୁ ଚରଣ ସାହୁ, ମୁଖ୍ୟ ବକ୍ତା ଭାବେ ବୈଦେଶ୍ୱର ସରପଞ୍ଚ ସୁରଞ୍ଜନ ପଣ୍ଡା, ବାଙ୍କୀ ବ୍ଲକର ପୂର୍ବତନ ଅଧ୍ୟକ୍ଷ କାହ୍ନୁ ଚରଣ ସିଂହ, କେନ୍ଦୂପଲ୍ଲି ପଞ୍ଚାୟତ ସରପଞ୍ଚ ପ୍ରଦ୍ୟୁମ୍ନ କୁମାର ସୁବୁଦ୍ଧି, ପୂର୍ବତନ ସରପଂଚ ବିଜନ କୁମାର ସାହୁ, କେନ୍ଦୂପଲ୍ଲି ଗ୍ରାମ ପଞ୍ଚାୟତର ସମିତି ସଭ୍ୟ ପ୍ରେମାନନ୍ଦ ସାହୁ, ବାଙ୍କୀ ପ୍ରେସ କ୍ଲବ ଉପ ସଭାପତି ସମରେନ୍ଦ୍ର ମହାପାତ୍ର ଯୋଗ ଦେଇ ବରିଷ୍ଠ ନାଗରିକ ମାନେ ଯେଉଁ ମାନଙ୍କୁ ସେମାନଙ୍କ ପିଲା ମାନେ ହଇରାଣ କରୁଛନ୍ତି ସେମାନଙ୍କୁ ନିକଟସ୍ଥ ପୁଲିସ ସୁରକ୍ଷା ଦେବା ପାଇଁ ନିବେଦନ କରିଥିଲେ । ଏହି ସଭାରେ କାଳନ୍ଦୀ ଚରଣ ମହାନ୍ତି, ବ୍ରଜବନ୍ଧୁ ସାହୁ, ରାମଚନ୍ଦ୍ର ସାହୁ, ସାରଙ୍ଗ ଧର ମିଶ୍ର, ଦେବରାଜ ସାହୁ, ପଠାଣି ସାହୁ ପ୍ରମୁଖ ଉପସ୍ଥିତ ଥିଲେ।
Comments are closed.